Табиийки, ҳамма аёллар ҳам нозик бел эгаси эмас. Шуниси яхшики, қоматни визуал тарзда ихчамлаштирадиган усуллар мавжуд. Фақат бунинг учун қандай либосларни уйғунлаштирган ҳолда кийишни билиш керак.
Ҳеч нарса аёл кишининг қоматини бир-бирига ўтказилган кўйлак каби безамайди. Ушбу усул ҳар қандай қоматга эга бўлган ва белни алоҳида таъкидлашни истаганлар учун мукаммал ечимдир. Ўралган кўйлак қоматни ихчамлаштириб, бўйинни янада узунроқ кўрсатганлиги туфайли ҳам ажойиб нисбат ҳосил қилади.
Қисқартирилган костюмлар бел чизиғини аниқлаб беради, ушбу қисмни белдан тушган юбка ёки шим билан мослаштириш мумкин. Масалан, бу мавсумда ҳам шундай костюмлар урфда, уни, албатта, қалам ёки банан бичимидаги юбка билан, шунингдек, классик услубдаги шим билан уйғунлаштириш тавсия этилади.
Ушбу бичимдаги юбкалар оёқнинг сон қисмини яширади ва белни ингичка қилиб кўрсатади. Одатда белга маҳкам ўрнашган моделларни белбоғ билан тўлдириш мумкин. Бу каби юбкаларга елка қисми ҳажмдор ёки ёпишиб турувчи кофта ва свитерлар жуда мос келади.
Танланган аксессуар нафақат белни таъкидлаши, балки кийимга ҳам мос келиши керак. Одатда мода ихлосмандлари костюм, пальто, кардиган ёки кўйлакларнинг матоси билан бир хил белбоғ тақишни хуш кўради. Ушбу услуб ҳам эътиборни тортмаган ҳолда қомат гўзаллигини сақлаб қолади.
Мукаммал қомат яратиш учун бироз қалинроқ матодаги либосларнинг бел қисми тор қилиб тикилганини танлаш керак. Улар бошқа либослардан фарқли ўлароқ белни ингичка қилиб кўрсатади.
Айрим ҳолларда либос бичимидан ташқари унинг ранги ёки нақши ҳам қоматга ортиқча рақам қўшиши мумкин. Шунинг учун либос танлаганда, ҳар қайси жиҳат инобатга олиниши керак. Вертикал ва диагонал чизиқлар қоматни янада озғин, бўйни эса узун қилиб кўрсатади. Аммо горизонтал ва катта нақшли либослардан иложи борича қочиш керак.
Бир-бирига қарама-қарши либосларнинг туташув нуқтасида ҳам бел ингичка кўринишда бўлади. Таъсирни кучайтириш учун бел қисми юқори бўлган шим танлаш зарур. Бу фақат белни ингичка қилибгина қолмай, оёқларни ҳам узунроқ кўрсатади.
Мавзуга доир:
- Ишбилармон аёллар гардероби: муваффақиятли ташқи кўринишнинг асосий қоидалари (фото)
- Нотўғри танлангани боис юлдузларнинг тўла кўринишига сабаб бўлган либослар (фото)
- Кийиниш бўйича 3 тавсия: семизликни яширувчи либослар (фото)
- Ҳар қандай образга мос тушувчи ва ҳеч қачон урфдан қолмайдиган устки кийимлар (фото)
Изоҳ (0)