«Тоттенҳэм» бош мураббийи Жозе Моуриньо ва «Манчестер Сити» устози Хосеп Гвардиола «Челси»дан истеъфога чиқарилган ҳамкасблари Фрэнк Лэмпард ҳақида фикр билдирди.
Фрэнк бу борада ўз оиласи ва яқин дўстларидан бошқа мен ёки яна бошқаси билан гаплашишни хоҳлайди деб ўйламайман. Қайсидир ҳамкасбим ишини йўқотганда, ҳар сафар тушкунликка тушаман, Фрэнк эса шунчаки ҳамкасб эмас. У менинг фаолиятимдаги муҳим одам, шу сабаб у билан содир бўлган воқеадан афсусдаман.Футболнинг аёвсизлиги шунда, айниқса замонавий футболнинг. Шу туфайли мураббий бўлдингизми, демак, эртами, кечми бу ҳодиса сиз билан ҳам содир бўлади.
Жозе Моуриньо, «Тоттенҳэм» бош мураббийи
Ҳар қайси мураббийдан ғалаба талаб қилинади. Одамлар лойиҳа ҳақида гапиради, бироқ лойиҳалар мавжуд эмас. Ғалаба қозониш керак, йўқса истеъфога чиқариласан.«Челси» 1,5 йиллик фаолиятдан сўнг Лэмпардни истеъфога чиқарди. Унинг ўрнини Томас Тухель эгаллаши кутилмоқда.«Челси»ни айбламоқчи эмасман, бироқ мураббийлар борасида сабр керак. Клубнинг қарорини ҳурмат қиламан, шундай бўлиши ҳам керак. Биз шунчаки иложи борича кўпроқ ўйинда ғалаба қозонишни истаймиз.
Қандайдир лойиҳа ҳақида гапириш қийин. Агар рақибларинг кучли бўлса, бир ой ичида барпо қилган барча нарсангдан айрилишинг мумкин. Ҳар доим хавф бор.
Пеп Гвардиола, «Манчестер Сити» бош мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)