Ўзбекистонда қурилиш-пудрат ташкилотларининг рейтинги ишлаб чиқилди, деб хабар беради Қурилиш вазирлиги.
Қурилиш ташкилотларининг рейтинги билан «Reyting.mc.uz» сайти орқали танишиш мумкин.
Таъкидланишича, СТИР бўйича (9 та рақам) қурилиш ташкилотларининг рейтингини билиб олиш мумкин бўлиб, рейтингдан жами 36 мингдан ортиқ ташкилот жой олган.
«Қурилиш-пудрат ташкилотлари рейтингида уларнинг салоҳияти 71 та кўрсаткични қамраб олган 6 та гуруҳдан иборат мезонлар билан ўлчанади. Салоҳиятни аниқлашда эса ташкилотнинг малакали мутахассислари, молиявий кўрсаткичлари, бажарган ишларининг сифати, иш тажрибаси, техник базаси, рақобатдошлиги каби қурилишда юқори сифатни таъминловчи мезонлар муҳим аҳамиятга эга», — дейилади хабарда.
Аввалроқ қурилиш вазирининг биринчи ўринбосари Шерзод Ҳидоятов Ўзбекистонда апрель ойидан бошлаб янги тартиб кучга кириши, унга кўра, пудрат ташкилотлари янги қурилган барча уйлар деворларига ишлов бериш ва коммуникация тармоқларини тортиш бўйича ишлар 100 фоиз бажарилган ҳолда топширишлари лозим бўлишини маълум қилганди.
Мавзуга доир:
- Навоийда қурилиши тугалланмаган спорт иншоотининг томи қулаб тушгани айтилмоқда. Ҳолат юзасидан изоҳ берилди
- «Бузилганда бунақа майда-чуйда бўлиб кетган бинони биринчи марта кўряпман» – Қурилиш вазири Жиззахдаги қулаган бино сабаблари ҳақида
- Ўзбекистонда 2020 йилда 77 мингдан ортиқ фуқарога ипотека кредитлари ажратилган
Изоҳ (0)