O‘zbekistonda qurilish-pudrat tashkilotlarining reytingi ishlab chiqildi, deb xabar beradi Qurilish vazirligi.
Qurilish tashkilotlarining reytingi bilan “Reyting.mc.uz” sayti orqali tanishish mumkin.
Ta’kidlanishicha, STIR bo‘yicha (9 ta raqam) qurilish tashkilotlarining reytingini bilib olish mumkin bo‘lib, reytingdan jami 36 mingdan ortiq tashkilot joy olgan.
“Qurilish-pudrat tashkilotlari reytingida ularning salohiyati 71 ta ko‘rsatkichni qamrab olgan 6 ta guruhdan iborat mezonlar bilan o‘lchanadi. Salohiyatni aniqlashda esa tashkilotning malakali mutaxassislari, moliyaviy ko‘rsatkichlari, bajargan ishlarining sifati, ish tajribasi, texnik bazasi, raqobatdoshligi kabi qurilishda yuqori sifatni ta’minlovchi mezonlar muhim ahamiyatga ega”, — deyiladi xabarda.
Avvalroq qurilish vazirining birinchi o‘rinbosari Sherzod Hidoyatov O‘zbekistonda aprel oyidan boshlab yangi tartib kuchga kirishi, unga ko‘ra, pudrat tashkilotlari yangi qurilgan barcha uylar devorlariga ishlov berish va kommunikatsiya tarmoqlarini tortish bo‘yicha ishlar 100 foiz bajarilgan holda topshirishlari lozim bo‘lishini ma’lum qilgandi.
Mavzuga doir:
- Navoiyda qurilishi tugallanmagan sport inshootining tomi qulab tushgani aytilmoqda. Holat yuzasidan izoh berildi
- “Buzilganda bunaqa mayda-chuyda bo‘lib ketgan binoni birinchi marta ko‘ryapman” – Qurilish vaziri Jizzaxdagi qulagan bino sabablari haqida
- O‘zbekistonda 2020-yilda 77 mingdan ortiq fuqaroga ipoteka kreditlari ajratilgan
Izoh (0)