Ёрқин ва қалин сочлар мукаммал кўринишнинг калитидир. Аммо уларнинг кир ҳамда ёғланган ҳолда бўлиши, пардоз ва кийимлар қанчалар чиройли бўламсин, ташқи кўринишга жиддий путур етказади. Агар сочлар тезда ёғланиб қолса, биринчи навбатда бунинг сабабларини аниқлаш керак.
— Кенг тарқалган муаммо – бу сочларни тез-тез ювиш. Натижада улар бунга ўрганиб қолади, тери ҳимоя реакцияси сифатида кўпроқ ёғ ажратишни бошлайди.
— Яна бир кенг тарқалган сабаблардан бири – нотўғри парвариш. Эҳтимол, шампунь ёки кондиционер бош терисига мос келмаган бўлиши мумкин.
— Ирсий омил.
— Ошқозон-ичак тракти касалликлари ёки танадаги гормонал бузилишлар. Бундай вазиятда шифокор билан маслаҳатлашиб, керакли кўриклардан ўтиш керак.
Сочларни узоқ вақт тоза сақлаш учун нималарга эътибор бериш керак:
- бош териси турини аниқлаш зарур. Агар тери ёғли бўлса, бош териси тури бир хилда бўлиши мумкин. Бундай ҳолда кундалик шампунда ювиш зарарли эмас, аммо парвариш қилиш жуда муҳим;
- одатда сочларни ҳар икки кунда ювиш тавсия этилади. Бу балки қулай бўлмаслиги мумкин, аммо буни ташқарига чиқмайдиган бирор кундан бошлаш афзал;
- қуруқ шампундан фойдаланиш тавсия этилади. Бу нафақат сочларни ёғдан бартараф этади, балки сочларга қўшимча ҳажм қўшади. Агар қуруқ сочлар учун мўлжалланган шампунь бўлмаса, у ҳолда болалар упаси ёрдамга келади. Маҳсулот соч илдизига суртилади, ортиқча қисми тароқ билан олиб ташланади. Кукун сочларда кўринмаслиги учун уни какао билан аралаштириш мумкин;
- сочларни хона ҳароратидаги сув билан ювиш керак. Улар силлиқ қилиб таралганидан сўнг кун давомида камида 2 литр сув ичиш керак. Меъёрида суюқлик қабул қилиш бош терисида ёғ ажаралишини камайтиради;
- бош терисни скраб билан тозалаш лозим. Бунинг учун денгиз тузига оз миқдорда сув солиб, соч илдизларига сурилади ва енгил массаж қилинади. Массаж қон айланишини яхшилайди ва ўсишини рағбатлантиради;
- кондиционер ва ниқобларни фақат соч учига суриш керак. Ушбу маҳсулотлар соч толасига оғирлик қилади. Шунинг учун ҳам уларни илдизга сурмасдан, соч узунлиги бўйлаб тўғри тақсимлаш зарур. Шунингдек, шампунларнинг сифатлисидан фойдаланиш тавсия этилади.
Изоҳ (0)