Меҳрга тўла қалб эгалари: Болливуднинг хайрия билан шуғулланадиган юлдузлари (фото)

Ҳар ким ҳам ҳаётда турлича из қолдиради: баъзилар табассум, меҳр ва соғинч билан эсланади. Бу, албатта, ҳаракатга боғлиқ. Қандай бўлмасин, юлдузлар ҳам ниҳоятда банд бўлишига қарамай, яхшилик қилиш ҳақида унутмайди. Томошабинлар эса севимли юлдузларининг хайрия ишлари билан шуғулланишидан мамнун. Қуйида хайрия учун пулини ҳамда вақтини аямайдиган Болливуднинг энг машҳур юлдузлари билан танишиш мумкин.

Шоҳрух Хон

Болливуд қироли Шоҳрух Хон кўп йиллардан буён хайрия ишларини амалга ошириб келмоқда. Гарчи актёрнинг ўзи бу ҳақда сир тутса-да, оммадан буни яшириб бўлмайди. У 10 дан ортиқ жамоат ташкилотларида, жумладан, болаларга ёрдам бериш учун «Истак билдир» нодавлат фондида иштирок этади. Унинг беминнат хайрия ишлари учун актёр БМТ ва ЮНЕСКО мукофотлари билан тақдирланган.

«Девдас» фильмининг суратга олиш жараёнида катта ҳаво айлантиргич қурилмаси томоша қилиб турган мухлис устига қулаб тушган ва мухлис ўша ерда вафот этган. Бундай вазиятда бирор кишини айбдор қилиб бўлмас эди. Шунга қарамай, актёр марҳумнинг оиласидан узр сўраб, уларни молиявий томондан қўллаб-қувватлаган. 2019 йилда эса Уттархандаги тошқин вақтида актёр салкам 70 минг доллар хайрия қилган.

Гул Кират Панаг

Гул Кират улкан ижтимоий иш билан шуғулланади. Гуль кўпинча муҳтожларга пул йиғиш тадбирларини ташкил қилади. У аутизм билан касалланган ёши катталарнинг мактаби – «Шраддха»да ишлайди. Актриса ҳомийларнинг эътиборини ушбу мактаб ўқувчиларининг муаммоларига қаратади. Актрисанинг оилавий Col. Shamsher Singh Foundation жамғармаси бир неча бор аҳолининг турли тоифаларига ёрдам берган.

Амир Хон

Амир Хон ҳамиша хайрия тадбирларида иштирок этади. У ҳам Уттархандаги қурбонларга 47 минг доллар миқдорида хайрия қилган. Шунингдек, маблағ йиғиш компанияларига ўзи раҳбарлик қилган. Ўтган йили актёр «Девендра Фаднавис сувни тежаш жамғармаси»га 27 минг доллар миқдорида пул ажратди. «Шунчаки хайрия қил» ташкилоти билан биргаликда Амир Хон ўзининг «Амир Хон Фонди»га асос солган ва ЮНИСЕФнинг элчиси этиб тайинланган.

Салмон Хон

Салмон Хон нафақат жанжаллар, балки яхши амаллар билан ҳам машҳур бўлган. Актёр Ҳиндистондаги энг йирик хайрия тармоқларидан бирига айланган «Инсон бўл» номли фондга асос солган.

«Инсон бўл»нинг асосий йўналиши кам таъминланган оилалар фарзандларининг билим олишларига имкон беришдир. Бундан ташқари, Салмон қарияларга ҳам ёрдам бериш учун маблағ ажаратади.

Айшвария Рай

Болливуддаги энг гўзал актрисанинг қалби ҳам ўзидек гўзал. Актриса муҳтожларга ёрдам беришни мақсад қилиб, «Айшвария Рай фонди»га асос солган. Шунингдек, у ҳайвонларни ҳимоя қилиш ташкилотига ҳам ёрдам беради. Бундан ташқари, актриса кўпинча мамлакатда таълим ва соғлиқни сақлаш даражасини кўтариш билан боғлиқ тадбирларда қатнашади.