2020 йилда Planet Computers компанияси коллектив молиялаштириш майдончасида экран остида клавиатурасига эга Astro Slide смартфонини тақдим этган эди. IXBT’нинг маълум қилишича, ушбу смартфон 2020 йилнинг июнь ойида сотувга чиқади.
Смартфон аввалига март ойида сотувга чиқиши керак эди, бироқ ҳозирда маълум бўлишича, ихтирочиларни қўллаб-қувватлаган фойдаланувчилар мазкур қурилмага июнь ойида эга бўлади, эркин савдолар эса сентябрдан бошланиши кутилмоқда.
Astro Slide модели BlackBerry’дан фарқли ўлароқ мембранали клавиатура билан жиҳозланган. Слайдер ва шарнирни ўз ичига олган конструкция матн ёзишда қулайлик яратиш мақсадида экранни юқорига кўтарилишини таъминлайди. Astro Slide 6,39 дюймли AMOLED-дисплейга эга бўлган, аккумулятор сиғими 4000 мА/соат.
Самартфоннинг техник тавсифи янгиланган: MediaTek Dimensity 1000 ўрнига Dimensity 800’дан фойдаланилади, тезкор хотира сиғими 6 гигабайтдан 8 гигабайтга оширилган. Бундан ташқари, смартфон Android 10 операцион тизимида эмас, балки Android 11’да тақдим этилади. Аммо у вақтга бориб Goolge Android 12’ни тақдим этган бўлади.
Мазкур моделга эгалик қилишни истаганлар 664 доллар эвазига олдиндан буюртмани амалга оширишлари мумкин.
Изоҳ (0)