Наманганда қўшни мамлакатдан республика ҳудудига олиб киритилган умумий қиймати 96 миллион сўм бўлган тамаки маҳсулотларининг савдосига чек қўйилди. Бу ҳақда Давлат божхона қўмитаси матбуот хизмати хабар берди.
Наманган вилояти Чортоқ туманида вилоят божхона бошқармаси Контрабандага қарши курашиш ва божхона аудити бўлими ходимлари томонидан ўтказилган тезкор тадбир давомида чегара олди ҳудудида ҳаракатланаётган фуқаро Ж.Х. бошқарувидаги Cobalt машинаси белгиланган тартибда кўздан кечирилган.
Натижада машина салонида хорижда ишлаб чиқарилган умумий қиймати 15 миллион сўмлик 1000 қути тамаки маҳсулотлари борлиги аниқланган.
Тезкор тадбир давом эттирилиб, воқеа жойида ҳаракатланаётган Damas автомобили ҳам тўхтатилди ва белгиланган тартибда кўздан кечирилган. Бу машинада ҳам қўшни мамлакатдан ноқонуний олиб кирилган қиймати 81 миллион сўмлик 5370 қути тамаки маҳсулотлари борлиги аниқланган.
Аввалроқ Сурхондарёда 20 миллиард сўмлик тамаки маҳсулотларининг ноқонуний олиб кирилишига чек қўйилгани тўғрисида хабар берилганди.
Изоҳ (0)