Бокс бўйича оғир вазн тоифасида WBA, IBF ва WBO чемпионлик камарлари соҳиби Энтони Жошуа (24-1, 22 КО) мажбурий даъвогар Александр Усик (18-0, 13 КО) билан эмас, WBC йўналиши чемпиони Тайсон Фьюрига (30-0, 21 КО) қарши жанг қилиши мумкин.
Boxing Scene’нинг хабар қилишича, WBO ташкилоти британиялик боксчилар ўртасида жанг бўлиб ўтишини маъқуллаган.
Таъкидланишича, Усик WBO вақтинчалик чемпионлик камари учун британиялик Жо Жойсга (12-0, 11 КО) қарши рингга чиқиши мумкин.
Жошуа — Фьюри жанги ғолиби чемпионлик ҳимояси учун Усик — Жойс беллашуви ғолибига қарши қарши жанг қилишга мажбур бўлади. Жанг вақтинчалик чемпион номи маълум бўлган санадан бошлаб 180 кун муддат ичида ўтказилиши керак бўлади.
Агар мутлақ чемпион камар ҳимоясидан воз кечса, у ҳолда Усик — Жойс жанги ғолиби WBO камарига эга чиқарди.
Манбада айтилишича, Фьюри — Жошуа жангининг ўтказилишига тўсқинлик қила оладиган ягона жиҳат бу — Тайсон ва Деонтей Уайлдер ўртасидаги учинчи тўқнашув. Қарор январь ойи охирида қабул қилиши кутилмоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)