Boks bo‘yicha og‘ir vazn toifasida WBA, IBF va WBO chempionlik kamarlari sohibi Entoni Joshua (24-1, 22 KO) majburiy da’vogar Aleksandr Usik (18-0, 13 KO) bilan emas, WBC yo‘nalishi chempioni Tayson Fyuriga (30-0, 21 KO) qarshi jang qilishi mumkin.
Boxing Scene’ning xabar qilishicha, WBO tashkiloti britaniyalik bokschilar o‘rtasida jang bo‘lib o‘tishini ma’qullagan.
Ta’kidlanishicha, Usik WBO vaqtinchalik chempionlik kamari uchun britaniyalik Jo Joysga (12-0, 11 KO) qarshi ringga chiqishi mumkin.
Joshua — Fyuri jangi g‘olibi chempionlik himoyasi uchun Usik — Joys bellashuvi g‘olibiga qarshi qarshi jang qilishga majbur bo‘ladi. Jang vaqtinchalik chempion nomi ma’lum bo‘lgan sanadan boshlab 180 kun muddat ichida o‘tkazilishi kerak bo‘ladi.
Agar mutlaq chempion kamar himoyasidan voz kechsa, u holda Usik — Joys jangi g‘olibi WBO kamariga ega chiqardi.
Manbada aytilishicha, Fyuri — Joshua jangining o‘tkazilishiga to‘sqinlik qila oladigan yagona jihat bu — Tayson va Deontey Uaylder o‘rtasidagi uchinchi to‘qnashuv. Qaror yanvar oyi oxirida qabul qilishi kutilmoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)