Ижтимоий тармоқларда пойтахтнинг Сергели туманида бир эркак бошқа бир эркак томонидан калтакланаётгани, атрофдаги фуқаролар эса уларни тинчлантиришга ҳаракат қилаётгани акс этган видео тарқалди.
Тошкент шаҳар Ички ишлар бош бошқармасининг маълум қилишича, воқеа 17 январдан 18 январга ўтар кечаси тахминан соат 23:55 да содир бўлган ва бу ҳақда соат 00:15 да 102 рақамига қўнғироқ қилиб хабар берилган.
Тан жароҳати олган фуқаро 40 ёшли З.Х. эканлиги аниқланган. Унга тан жароҳати етказган фуқаро ва жанжалдаги бошқа иштирокчиларнинг шахси аниқланмоқда.
Мазкур ҳолат юзасидан Сергели тумани ИИО ФМБ ходимлари томонидан терговга қадар текширув ҳаракатлари ўтказилмоқда.
Изоҳ (0)