Наманганда укаси ўзганинг машинасини ўғирлаб қочганини кўрган ака бу ҳақда ҳудуд профилактика инспекторига маълум қилди, деб хабар беради Тергов департаменти.
Маълумотларга кўра, 10 январь, якшанба куни соат 18:30 ларда Янгиқўрғон тумани «Бешбулоқ» маҳалласида 30 ёшли фуқаро ўзига тегишли Nexia-2 русумли автомобили ойнасини очиқ ҳолда, хонадони олдида қолдирган. Бундан фойдаланган номаълум шахс қонунга хилоф равишда ушбу автомашинани бошқариб, қочиб кетган.
Олиб борилган тезкор қидирув тадбирлари натижасида, мазкур Nexia-2 машинаси 41 ёшли Й.М. исмли фуқаро томонидан олиб қочилганлиги аниқланган. У маст ҳолда автомобилни бошқариб, ўзининг яшаш манзилига олиб бориб қўйганини кўрган Й.М.нинг акаси бу ҳақда дарҳол ҳудуд профилактика инспекторига маълум қилган.
Мазкур ҳолат юзасидан Янгиқўрғон тумани ИИБ ҳузуридаги Тергов бўлими томонидан Й.М.га нисбатан Жиноят кодексининг 267-моддаси 1-қисми (транспорт воситасини олиб қочиш) билан жиноят иши қўзғатилган.
Ҳозирда тергов ҳаракатлари давом этмоқда.
Аввалроқ Фарғонада 31 ёшли эркак ўзганинг телефонини ўғирлаб қочгани ва ИИБга ўғирланган телефон қаердалигини унинг хотини айтиб бергани тўғрисида хабар берилганди.
Изоҳ (0)