ЖССТнинг Фавқулодда ҳолатлар бўйича қўмитаси коронавирусга қарши эмланганлик тўғрисидаги ҳужжатнинг мавжудлиги хорижга сафар қилишнинг мажбурий шартига айланмаслиги лозим деб ҳисоблайди. Бу ҳақда ташкилот сайтига жойлаштирилган баёнотга таяниб, «Интерфакс» хабар берди.
«Вакциналарнинг инфекциянинг тарқалиш даражасини пасайтиришга қанчалик таъсир кўрсатиши ҳозирча номаълум эканлиги, шунингдек, айни вақтда вакциналардан фойдаланиш имконияти жуда чеклангани ҳисобга олинадиган бўлса, қўмита дунё мамлакатларига келган сайёҳлардан вакцинациядан ўтганлик тўғрисида далил сўрамасликни маслаҳат беради.
Қўмита мамлакатлар раҳбарларига «мувофиқлаштирилган далилларга асосланган саёҳат хавфсизлиги чораларини кўришни ҳамда ЖССТ билан илғор амалиётлар ва тажриба алмашишни» тавсия қилади.
Шу билан бирга, ЖССТ қўмитасининг таъкидлашича, сайёҳлар коронавируснинг саёҳатлар орқали юқиш хавфини камайтириш бўйича барча зарурий чораларга риоя қилиши керак.
Аввалроқ ЖССТнинг Европа минтақавий бюроси Жаҳон соғлиқни сақлаш ташкилоти сайёҳларга вакцинация олганлиги тўғрисидаги паспорт бериш масаласини ўрганиб чиқаётганини маълум қилганди.
Сўнгги маълумотларга кўра, дунё бўйлаб коронавирус оқибатида вафот этганлар сони 2 миллион кишидан ошган.
Изоҳ (0)