АҚШнинг амалдаги президентининг ўғли кичик Дональд Трамп отасининг инаугурация қўмитаси маблағларини ғайриқонуний сарфлангани юзасидан тергов доирасида сўроқ қилиш учун Колумбия округи Бош прокуратурасига сўроқ қилиш учун чақирилди. Бу ҳақда CNN’та таяниб «РБК» хабар бермоқда.
Колумбия Бош прокуратураси тегишли иш юзасидан бир йил олдин, 2020 йил январида Трампнинг инаугурация қўмитасини судга берганди. Терговчиларнинг фикрича, президент жамоаси нотижорат ташкилот сифатида солиқлардан озод қилинган ушбу қўмитанинг 1 миллион доллардан ортиқ маблағини ғайриқонуний сарфланган. Прокуратура, шунингдек, қўмита 2017 йил инаугурация пайтида Трампга тегишли меҳмонхонани оширилган нархда ижарага олганини таъкидламоқда.
Loews Madison меҳмонхонасида хоналар президент ўғлининг ёрдамчиси томонидан 50 минг долларга брон қилгани Колумбия Бош прокуратураси томонидан аниқланганидан сўнг кичик Трампга саволлар пайдо бўлган. «Меҳмонхонани брон қилишни кичик Дональд Трампнинг ёрдамчиси ташкиллаштирган. Шартнома Trump Organization номидан кичик Дональд Трампнинг Gentry Beach исмли яқин дўсти томонидан имзоланган», — деган даъвогар.
Декабрь ойида терговчилар ушбу иш доирасида президентнинг қизи Иванка Трампни беш соат давомида сўроқ қилган.
Инаугурация қўмитасининг маблағни ўзлаштиргани ва мақсадсиз сарфлаган бўлиши мумкинлиги юзасидан тергов Жо Байден ғолиб бўлган АҚШ президентлик сайлови натижаси фонида келиб чиққан можаролар туфайли яна жонланган.
Демократлар Трампни сайлов натижаларидан норози бўлиш туфайли юзага келган тартибсизлик қўзғатилишига сабабчи бўлганликда айбламоқда ва унга қарши импичмент эълон қилишга қарор қилди.
Вашингтонда амалдаги президентнинг тарафдорлари Капитолийни куч билан эгаллаб олган 6 январь воқеаларидан сўнг, Трамп, унинг жамоа аъзолари ва амалдаги президент тарафдорлари бўлган америкаликларни ижтимоий тармоқларда блоклаш бошланди. Трампнинг Twitter’даги аккаунти бутунлай блоклангандан сўнг, кичик Трамп ижтимоий тармоқда бутун дунё Америка устидан куляпти, деб изоҳ қолдирган.
Изоҳ (0)