Тошкент шаҳри Бектемир тумани ҳокими вазифасида ишлаб келган Жаҳонгир Иброҳимов Юнусобод туманига ҳоким этиб тайинланди, деб хабар беради «Kun.uz».
2018 йилдан буён Юнусобод тумани ҳокими вазифасида ишлаб келган Раҳмонбек Усмонов транспорт вазири ўринбосари этиб тайинлангани муносабати билан Юнусобод ҳокимлигидан кетган. 14 январь куни Юнусобод тумани ҳокимлигида пойтахт ҳокими Жаҳонгир Ортиқхўжаев иштирокида ўтказилган сессияда Жаҳонгир Иброҳимов туманнинг янги ҳокими сифатида таништирилган.
Жаҳонгир Иброҳимов 1982 йил Тошкент вилоятида туғилган. 2006 йил Тошкент архитектура ва қурилиш институтини тамомлаган. 2017 йилдан 2020 йилнинг августигача Сирдарё вилояти ҳокими ўринбосари лавозимида ишлаган. 2020 йил 25 августдан ҳозиргача Бектемир тумани ҳокими лавозимида ишлаб келаётганди.
Аввалроқ Ўзбекистон қурилиш вазирига янги биринчи ўринбосар, Абдуқодир Тошқулов олий таълим вазири, Шерзод Ҳидоятов коммунал хизмат кўрсатиш вазири этиб тайинлангани ҳақида хабар берилганди.
Изоҳ (0)