«Барселона» клуб президентлигига даъвогарлар рўйхатини тасдиқлади.
Расман Жоан Лапорта, Виктор Фонт ва Тони Фрейша клуб президентлиги учун кураш олиб боради. Дастлабки босқичдан муваффақиятли ўтган Эмили Руссо эса аризасини қайтариб олган.
Маълумот учун, Лапорта президентликка ўз номзодини қўйиш йўлидаги дастлабки сўровларда клуб вакилларининг 9625 та имзосини тўплаган. Бу кўрсаткич Фонтда 4431 га тенг бўлса, Фрейша 2634 имзо йиғган.
15 январдан номзодлар сайлов олди кампаниясини бошлайди. Сайлов 24 январь куни ўтказилади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)