Ўзбекистонлик ярим ҳимоячи Остон Ўруновнинг «Спартак»даги келажаги мавҳумлигича қолмоқда.
20 ёшли футболчига «Уфа»дан қизиқиш бор. Бошқирдистонликлар клуби Ўруновни ижарага олишга тайёр, бироқ «Уфа» футболчининг маошини (йилига 600 минг евро) «Спартак» тўлашини хоҳламоқда, дея хабар қилмоқда журналист Иван Карпов. Бироқ москваликлар бу таклифни рад этган.
Таъкидланишича, «Спартак» легионерлар учун ажратилган лимитни «банд» қилиб турган Остондан қутилмоқчи. Бироқ Москва клубида футболчи борасида айтарли таклиф йўқ.
Яна бир журналист Сергей Егоровга кўра, «Уфа» Ўруновни 1 миллион еврога харид қилишга тайёр, бироқ «Спартак» уни миллиондан кўпроқ миқдор эвазига сотиш истагида. Яъни, Ўруновни 1 миллионга сотиб олган москваликлар ҳеч бўлмаганда ўтган беш ой учун маошга сарфланган пулни (ойида 50 минг евродан) чиқариб олмоқчи — 250 минг евро.
Мавзуга доир:
Ўрунов 2020 йилнинг январида «Уфа» футболчисига айланганди ва 2019/20 йилги мавсумда Россия Премьер Лигасида 10 ўйинда майдонга тушиб, 2 та сариқ карточка олди. Остон ёзги трансфер ойнасида «Уфа»дан 1 миллион евро эвазига пойтахт клубига ўтди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)