Суратга олиш майдончаларида танишиб, бир-бирини севиб қолган турк сериаллари юлдузлари (фото)

Турк телесериаллари гўзал муҳаббат қиссалари туфайли дунё бўйлаб томошабинлар кўнглини забт этишга муваффақ бўлди. Бу каби ҳис-туйғулар бошқа миллат сериалларида камдан-кам ҳолларда учрайди. Турк сценарийнавислари сериаллардан нимани кутишни жуда яхши билади. Шунинг учун ҳам улар машҳурликка эришади. Бунинг аслида ажабланарли жойи йўқ, суратга олиш майдончасида қаҳрамонлар кўпинча бир-бирига кўнгил қўяди. Баъзилари ўткинчи бўлса, яна бошқалари никоҳ билан мустаҳкамланади. Албатта, кўпчилликка Халит Эргенч ва Бергузар Корел, Бурак Ўзчивит билан Фаҳрие Эвженларнинг бахтли қиссаси аён. Аммо қуйида уларнинг жуфтлик экани ҳам номаълум бўлган юлдузлар билан танишиш мумкин.

Арас Булут Ийнемли ва Биге Ўнал

Жуфтлик ўртасидаги муносабат «Марал» сериалининг суратга олиш майдончасида бошланган. Арас бош ролни ижро этган сериалда сюжетга кўра, Марал исмли қизни севиб қолади. Аммо ҳаётда эса сериалнинг яна бир қаҳрамони – Алара (Биге Ўнал)га кўнгил қўйиб бўлган эди.

Шундан сўнг жуфтлик яна бир фильм – «Чағалайлар ҳукмдори»да роль ижро этди. Оммавий ахборот воситалари эса 5 йилдан буён бир-бирига кўнгил қўйган жуфтликнинг нега оила қурмаётганини муҳокама қилиш билан банд. Шунга қарамай, Арас ва Биге келажакдаги режаларини ошкор қилгани йўқ.

Ўзге Ўздер ва Синан Гулерюз

«Ғаройиб доктор» сериалининг юлдузи Ўзге Ўздер ўз севгисини узоқ вақт кутган. 2007 йилда Актёр Тансел Ўнгелга турмушга чиққан, аммо 2 йилдан сўнг улар ажрашишга қарор қилган. Шунинг учундир балки, бир қанча вақт давомида актриса қалбини жиддий муносабатларга очишни истамаган. Аммо 2018 йилга келиб барчаси ўзгача тус олган. Хонанда ва актёр Синан Гулерюз унинг ҳаётига кириб келди ва ҳозирда жуфтлик илк фарзандининг дунёга келишини кутмоқда.

Гекберк Демиржи ва Ўзге Яғиз

«Қасам» сериалининг суратга олиш жараёнида яна бир гўзал жуфтлик пайдо бўлган. Аслида сериал томошабинларга унчалик манзур келмаган бўлсада, аммо бош қаҳрамонлар бир-бирига жуда мос. Гекберк Ўзгедан 8 ёшга катта, аммо бу фарқ уларнинг муҳаббатига тўсиқ бўлмаганга ўхшайди. Юлдузли жуфлик ўз муносабатларини оммага эълон қилишни хоҳламасада, аммо Янги йил билан мухлисларни биргаликда табриклади.

Афра Сарачўғлу ва Мерт Язижўғли

Рўйхатдан ўрин олган ёш жуфтлик – Афра ва Мерт. Афра – «Фазилат хоним ва унинг қизлари» сериалининг юлдузи. Мертнинг эса «Севги 101» сериалида суратга тушганидан сўнг машҳурлиги янада ортди.

Турк актёрлари 2018 йилда «Яхши ўйин» фильмидан кейин танишган. Кўпчилик уларнинг муносабатини «ўткинчи романтика» деб тахмин қилган эди. Аммо юлдузли жуфтлик ҳалигача айрилгани йўқ. Улар бир-бирининг ота-оналари билан танишганига қараганда, муносабатлар жиддий.

Хатиже Шендил ва Бурак Саяшар

«Тақдирга қарши муҳаббат» сериалининг юлдузи Хатиже Шендил актёр ва продюсер Бурак Саяшар билан 2015 йилда турмуш қурган, бундан олдин улар бир неча йил давомида учрашиб юрган. Жуфтлик «Қорадоғлар» сериалида танишган.

Хатиже ва Бурак ўзларининг дабдабали никоҳ тўйида турк сериалларининг асосий юлдузларини таклиф этган. 2017 йилга келиб, уларнинг оиласида чақалоқ Жан дунёга келган. Актриса ўша вақтда фарзандига ғамхўрлик қилиш ниятида карьерасида танаффус қилишига тўғри келганди. Аммо яқиндагина яна ўз фаолиятини давом эттиришга қарор қилди.

Гокҳан Алкан ва Несрин Жавадзаде

Несрин ва Гокҳан ўзбек томошабинларига «Қора ният» сериалидаги Шаҳика ва Керем образлари орқали яхши таниш. Жуфтлик сериал суратга олиш жараёнида танишиб, бир-бирини ёқтириб қолган.