Голливуднинг таниқли актёри Том Крузга тегишли коллекциясидан қандай машиналар ўрин олгани унинг мухлисларига қизиқ бўлса керак. Деярли хавфли трюкларни ўзи амалга оширувчи актёр уларни кўпинча машина билан боғлиқ ҳолда бажаради. Фильмларда одатда классик автомобиллар ёки мотоциклларни бошқарадиган актёр ҳаётда ҳам энг яхши машиналар тўпламига эга.
Buick Roadmaster, 1949
Актёр ўзининг классик услубдаги Buick Roadmaster’ини машҳур «Ёмғир одами» фильмига суратга тушганидан кейин сотиб олган. Суратга тушиш жараёнидаёқ Том машинага бошқача меҳр қўйиб улгурган эди, сабаби у чиндан ҳам ноёб автомобиль ҳисобланади. Суратга олиш ишлари якунлангач, Том машинага боғланиб қолганини тушунган ва уни сотиб олишга қарор қилган. Кейинчалик, у айнан шу автомобилда узоқ вақт ёлғиз ва кимсасиз йўлларда сайр қилишни ёқтиришини тан олган.
Chevrolet Chevelle SS
Таъкидланишича, ушбу автомобиль актёрнинг юлдуз бўлгунига қадар ҳам бўлган. Балки илк коллекция шу автомобилдан бошланган бўлиши ҳам мумкин. Шунингдек, Том мазкур машинасини жуда муваффақиятли деб билади.
Chevrolet Corvette C1, 1958
Ушбу машина аввалгисидан фарқли ўлароқ Том машҳурликка эришганидан сўнг пайдо бўлган. 1958 йилда ишлаб чиқарилган Chevrolet Corvette C1 корветтеларнинг биринчи авлодидан бўлиб, американча классика ҳисобланади. Актёр тез-тез собиқ рафиқаси Кети Холмс ҳамроҳлигида мазкур автомобилни бошқараётганини кўришган.
Porsche 911
Актёрнинг коллекциясидан ўрин олган навбатдаги ажойиб автомобиль.
Mercedes-Benz S-Klass
Ушбу машина бошқа юлдузларнинг гаражида ҳам учраши табиий. Актёр ҳам уни эҳтимол, қабул қилинган тенденциялар асосида сотиб олган.
BMW 7-Series
«Уддалаб бўлмас топшириқ» лойиҳаси жараёнида актёр BMW бренди билан ҳамкорлик қила бошлаган. Том компания автомобилларини кўплаб фильм ва рекламаларда бошқарганини кўриш мумкин. Шунинг учун ҳам ишлаб чиқарувчи компания актёрга мазкур автомобилни совға қилган. Кўпинча актёр автомобилнинг орқа ўриндиғида ўтиради, машинани эса ҳайдовчи бошқаради.
Mercedes-Benz CLK-Class
Ушбу машина кети Холмс билан саёҳат қилиш учун сотиб олинган. Сабаби жуфтликни тез-тез биргаликда, Кетини эса бошқарувда кўришган. Бироқ жуфтлик ажрашгандан сўнг на Том ва на унинг рафиқаси машинани бошқарганини кўришмаган.
Bugatti Veyron
Актёр коллекциясининг жавоҳирларидан бири. Bugatti Veyron’ни жаҳон футбол юлдузлари ҳамда актёрларнинг гаражида кўриш мумкин.
Ford Mustang Saleen S281
Дунё бўйича бу каби машиналар сони 100 тага етади. Круз машинасини том маънода яхши кўради. «Уддалаб бўлмас топшириқ-3» фильмидан сўнг фильм продюсери машинани актёрга совға қилган.
Ford Excursion
Актёр рафиқаси Кети Холмс билан ажрашиш вақтида журналистлар унинг уйи атрофида кун-у тун кутиб турган. Шунинг учун ҳам у ойналари қорайтирилган учта автобомилни бирданига сотиб олган. Актёр уйдан чиқиши керак бўлган вақтда учта машина ҳам бирданига гараждан чиқади ва журналистлар Том Крузни қайси машинада эканлигини билмай, таъқибни тўхтатади. Кўриниб турибдики, фильмдаги шунга ўхшаш саҳналар актёрга ҳаётда ҳам фойда берган.
Том Круз мотоциклларни ҳам машиналаридан кам севмайди.
Изоҳ (0)