Райҳон — филолог, Нилуфар — юрист, Баҳром Назаров— темир йўл муҳандиси. Санъатга «кўчадан кириб келган» машҳурлар (фото)

Журналист Наргиза Муродова санъат соҳасида таҳсил олмай, шу соҳада фаолият юритаётган машҳурларнинг асл касблари билан қизиқди.

Райҳон

У Ўзбекистон давлат жаҳон тиллари университетининг инглиз тили филологияси факультетида таҳсил олган. Ижодни бошлашдан аввал фақатгина фортепиано бўйича машғулотларга қатнаган.

Нилуфар Усмонова

Ўн ёшида Буюк Британиянинг Vinehall School мактабида таҳсил олишни бошлаган Нилуфар Усмонова кейинчалик Sherborne International College’ни тамомлаган. 2004 йили Тошкентга қайтиб, 2006 йили Тошкент давлат юридик институтига ҳужжат топширган. Саккиз йил деганда, институт дипломини қўлга киритган.

Улуғбек Раҳматуллаев

У 1999 йил Тошкент давлат шарқшунослик институтининг тарих факультетига ўқишга кирган.

Али Отажонов

Отажоновлар сулоласининг вакили Али ҳам санъат соҳасида таҳсил олмаган. У Тошкент давлат шарқшунослик институтининг турк филологияси факультетида ўқиган.

Даврон Эргашев

Даврон Эргашев асл мутахассислиги бўйича – иқтисодчи. У Тошкент давлат иқтисодиёт университетида таҳсил олган.

Отабек Муталхўжаев

У ҳам санъатдан бутунлай узоқ бўлган соҳада таҳсил олган. У Тошкент давлат техника университетининг нефть ва газ факультетида ўқиган.

Баҳром Назаров

У Тошкент темир йўл муҳандислари институтини тамомлаган. Дипломни қўлга киритгач, бир марта поезд бошқариш бахтига эришган.

Шаҳзода Матчонова 

У Жаҳон иқтисодиёти ва дипломатия универститетида таҳсил олган. Шундай бўлсада, кинодан ташқари, «Дийдор» театр студиясида фаолият юритишга муваффақ бўлган.

Шаҳзода Муҳаммедова

Шаҳзода Муҳаммедова Тошкент давлат иқтисодиёт университетининг халқаро туризм факультетида таҳсил олган.