АҚШдаги Кливленд клиникаси тадқиқотчилари турли хил фойдали хусусиятларга эга ва узоқ умр кўришга ёрдам берадиган сабзавотлар номини эълон қилди, деб ёзади Express газетаси.
Таъкидланишича, кун давомида беш хил сабзавотлар порциясини истеъмол қилиш керак.
Энг фойдали сабзавотлар рўйхатидан карамдошлар оиласи вакиллари ўрин олган: брокколи, Брюселл ва рангли карам, манголд, брюква, шолғом, васаби, редиска, ерқалампир, шолғомкарам, руколла, хоч-салат.
Улар организмдан зарарли моддаларни чиқариб ташлаш хусусиятига эга, мунтазам истеъмол қилиш эса организмнинг мустақил табиий тозаланишини ишга туширади.
Шунингдек, кўрсатилган сабзавотлар турли зарарли ўсимталарнинг пайдо бўлиши ва эрта ўлим ҳолати эҳтимоллигини камайтиради.
Изоҳ (0)