Футбол бўйича Англия Премьер Лигасининг учта ўйини 12 январь, сешанба куни бўлиб ўтди.
«Манчестер Юнайтед» жамоаси 1-турнинг қолдирилган баҳси доирасида «Бёрнли» майдонига сафар қилди. Учрашувнинг 71-дақиқасида Пол Погба томонидан урилган гол ўйинда ягоналигини сақлаб қолди.
Ушбу ғалабадан кейин Оле-Гуннар Сульшер шогирдлари очколарини 36 тага етказиб олган ҳолда биринчи ўринга кўтарилди. «Бёрнли» (16) 16-ўринда бормоқда.
18-турнинг дастлабки баҳси «Шеффилд Юнайтед» ва «Ньюкасл» ўртасида кечди. Биринчи бўлим якунланиши арафасида меҳмонлар бир ўйинчи кам бўлиб қолди. Иккинчи бўлимда майдон эгалари пенальтидан урилган гол эвазига натижани ўз томонига оғдира олди.
Шу тариқа «Шеффилд Юнайтед» мавсумдаги илк ғалабасини қўлга киритди ва 5 очко билан сўнгги поғонада бормоқда. «Ньюкасл» (19) эса 15-ўринга жойлашган.
«Эвертон» сафарда «Вулверҳепмтон»ни таслим этди ва 32 очко билан 4-ўринга кўтарилди.
АПЛ
1-тур (қолдирилган ўйин)
12 январь, сешанба
«Бёрнли» — «Манчестер Юнайтед» 0:1
Гол: 0:1 – 71 Погба.«Бёрнли»: Поуп, Ми, Питерс, Тарковски, Лоутон, Браунҳилл, Брэйди (Макнил, 65), Гудмундссон, Вествуд, Барнс (Родригес, 88), Вуд (Видра, 80).
«Манчестер Юнайтед»: Де Хеа, Шоу, Уан-Биссака, Байи, Магуайр, Бруну Фернандеш (Мактоминей, 89), Матич, Погба, Кавани, Марсьяль (Туанзебе, 90), Рэшфорд (Гринвуд, 80).
Огоҳлантиришлар: Шоу (32), Бруну Фернандеш (45), Вествуд (62).
18-тур баҳслари
«Шеффилд Юнайтед» — «Ньюкасл» 1:0
Гол: 1:0 – 73, пенальти Шарп.
Четлатиш: Фрэйзер (45).
«Вулверҳэмптон» — «Эвертон» 1:2
Голлар: 0:1 – 6 Ивоби, 1:1 – 14 Рубен Невеш, 1:2 – 77 Кин.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)