Халқаро футбол тарихи ва статистикаси федерацияси (IFFHS) XXI асрда миллий лигаларда энг кўп гол урган футболчилар рейтингини тузиб чиқди.
Унда 2001 йилдан 2020 йилгача бўлган вақтда урилган голлар инобатга олинди. Рейтингни «Ювентус» ҳужумчиси Криштиану Роналду (462 та гол) бошқариб бормоқда.
«Барселона» форварди Лионель Месси эса иккинчи ўринга жойлашган бўлиб, унинг ҳисобида 451 та гол бор. Кучли учликни «Милан» ҳужумчиси Златан Ибрагимович (379) якунлаб берган.
Қайд этиш жоиз, рўйхатдан XXI асрда 200 ва ундан ортиқ гол урган 58 нафар ўйинчи жой олди. ХХ асрдаги урган голлар билан қўшиб ҳисобланганда бундай футболчилар сони 78 нафарни ташкил қилди.
Эътиборлиси, мазкур рейтингдан ўзбекистонлик икки футболчи ўрин олди. Анвар Бердиев 65-ўринда қайд этилди, у жами 225 та гол урган (ХХ асрда 61, XXI асрда 164). Зафар Холмуродов эса 200 та голи билан (49, 151) 78 футболчидан иборат рейтингга якун ясаган.
Топ-10 лик билан танишинг:
- Криштиану Роналду — 462 та гол
- Лионель Месси — 451
- Златан Ибрагимович — 379
- Луис Суарес — 332
- Александар Журич — 304
- Али Ашфак — 287
- Роберт Левандовски — 285
- Самюуэль Это′О — 282
- Давид Вилья — 280
- Мартин Камбуров — 278
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)