Инсон умри давомида истеъмол қилган озиқ-овқатлар туфайли кексайиш жараёнини тезлаштириб юборади. Сабаби барча маҳсулотлар ҳам танага бир хилда таъсир ўтказмайди. Аммо улар орасида ажин тушиши ва қаришни секинлаштирувчилари ҳам мавжуд.
Лавлаги
Лавлаги танани тозалайди. Уни мунтазам истеъмол қилиш тери ҳолатига тезда таъсир ўтказади. Ҳуснбузарлар йўқолади, тери ранги яхшиланади ва тери ҳужайралари кўпроқ кислород олади. Бир кунда бир дона лавлаги истеъмол қилиш организм учун меъёр ҳисобланади.
Петрушка
Терини ёшартиришда самарали ҳисобланган ушбу маҳсулот глутатион ишлаб чиқаришни рағбатлантиради, шифокорлар барча антиоксидантларнинг онаси деб атайдиган ноёб озуқа ҳисобланади. Организмнинг глутатион ишлаб чиқариш қобилияти генетик жиҳатдан аниқланган ва сўнгги тадқиқотлар шуни кўрсатдики, одамларнинг 30 фоизида глутатион фаоллиги етарли эмас. Кунига 3-4 япроқ петрушка истеъмол қилиш организм учун фойдали.
Қовоқ уруғи
Қовоқ уруғидаги рух моддаси қаришнинг олдини олади, терини таранглик билан таъминлайди. Шунингдек, ҳужайраларни ультрабинафша нурлардан ҳимоя қилади, ажинлар билан курашиб, тери ҳолатини яхшилайди. Кунига бир ҳовуч қовоқ уруғини тановул қилиш тери учун жуда фойдали ҳисобланади.
Сариёғ
Сариёғ терини силлиқлайди, қизаришни камайтиради, теридаги намлик мувозанатини сақлайди. Ҳафтасига бир қадоқ сариёғ истеъмол қилиш тери учун ижобий таъсир ўтказади.
Ёғли балиқ
Ёғ кислоталари яллиғланишга қарши хусусиятларга эга. Тери, тирноқ ва сочларнинг ҳолатини яхшилайди. Унчалик хуш кўрилмайдиган балиқ ёғи тери юзасини силлиқ қилиб, ажинларни камайтиради. Тери парвариши учун энг яхши маҳсулотлардан биридир. Ҳафтасига 300 грамм балиқ истеъмоли саломатлик учун ҳам фойдали.
Какао
Какао эркин радикалларга қарши курашади ва эпидермисдаги яллиғланишни камайтиради. Кунига бир чой қошиқ какаони ичимлик шаклида қабул қилиш мумкин.
Бодом
Тери эластиклиги учун ушбу маҳсулот қон томирларини мустаҳкамлайди ва куперознинг олдини олади, чунки таркибида аргинин мавжуд. Кун давомида 10-15 дона тановул қилиш тавсия этилади.
Томат пастаси
Помидор таркибидаги ликопен бошқа кўплаб моддалардан фарқли ўлароқ танага яхши сингади. Унга ишлов берилгандан кейин самараси янада ортади. Шунинг учун томат пастаси янги помидорга қараганда фойдали. Ликопен эркин радикалларнинг фаоллигини бостиради ва энг яхши антиоксидант ҳисобланади. Бунинг учун кунига 2 ош қошиқ томат пастаси ёки 1 стакан томат шарбати истеъмол қилиш мумкин.
Лимон
Лимон танадан токсинларни чиқариб ташлайди. Иммунитет тизимини, шу жумладан, терининг ҳимоя функцияларини рағбатлантиради. Терини ёшартирувчи ушбу маҳсулотни истаганча истеъмол қилиш мумкин.
Занжабил
Занжабил яллиғланишни камайтиради, лимфа оқимини рағбатлантиради. Шишларни бартараф этади ва тери эластиклигини оширади. Кунига бир чой қошиқ майдаланган занжабил кукунини чойга қўшиб ичиш мумкин.
Изоҳ (0)