Ёғли юз териси эгалари косметик воситалар танлашда бир қанча қийинчиликларга дуч келади. Улар ҳар бир воситани юз ранги ва тери турига қараб танлаши жуда муҳим. Агар танлов тўғри амалга оширилмаса, юз соҳасида тошма ёки ҳуснбузарлар пайдо бўлиши кузатилади.
Тональ крем ҳақида
Ёғли юз териси учун иложи борича енгилроқ рангдаги тональ кремни танлаш керак. Чунки улар теридаги нуқсонларни бўрттириб кўрсатмайди ва кун давомида қатлам кўринишга келиб қолмайди. Агар бу борада тональ крем мос келмаса, BB кремни ҳам яхши ўринбосар сифатида тавсия қилиш мумкин. Кўпчилик ёғли терига одатда фақатгина товланмайдиган тональ крем керак бўлади, деб ўйлайди. Аммо кутилган натижа узоғи билан бир соатга етади.
Макияжнинг энг муҳим босқичи
Юз терисини пардозлашнинг энг муҳим босиқчи – уни тайёрлаш ҳисобланади. Табиий лосьон, намлантирувчи крем, асослар кун давомида юз терисининг ортиқча ёғ ажратишини нормаллаштиришга ёрдам беради ва пардоз давомийлигини узайтиради.
Таркиб ҳақида
Аксарият замонавий комедоген эмас, аммо қутидаги унинг белгиси ортиқчалик қилмайди. Ҳиндистон ёнғоғи, какао, буғдой уруғи, зиғир ва палма ёғларини ўз ичига олган тональ кремларидан фойдаланишдан сақланиш керак. Сабаби улар ҳуснбузарлар кўпайишига имкон яратади.
Силикон ва минерал мойлардан қўрқишга ҳожат йўқ, улар тери тешикларини ёпиб қўймайди, аксинча юмшатади. Пардозни узоқ муддат бир хилда туришини таъминлайди.
Тональ кремларини қўллаш
Макияж қилишда ҳар қандай воситани қўл ва чўткалар ёрдамида қўллаш мумкин. Аммо иккинчи вариант кўпроқ самарали бўлиб, бўёқларни бир текисда ёйилишига ёрдам беради. Спонжларнинг эса бир марталигидан фойдаланиш тавсия этилади.
Изоҳ (0)