Тонал кремдан фойдаланиш юзнинг эрта қаришига сабаб бўлиши, поралар тўлиб қолиши ва бошқа салбий оқибатларга олиб келиши ҳақида турли қарашлар кўп, аммо макияжда муҳим рол ўйнайдиган ушбу крем сиз ўйлаганингиздан кўра фойдали бўлиши мумкин, бунинг учун эса ундан тўғри фойдаланишни билиш керак.
Тонал крем пораларни тўлишига сабабчи бўлади
50 йил аввалги тонал кремлар шундай пораларни тўлдирган бўлиши мумкин, аммо замонавий косметик воситалар юзда кислород ўтказадиган плёнка ҳосил қилади. Юзни кун давомида зарарли моддалардан ҳимоя қилади. Макияждан аввал юзга махсус база суртиш керак. Бу бўёқларни юзга тўғри суртилиши ҳамда тонал кремнинг ҳимоя қилиш хусусиятига ҳам ижобий таъсир қилади.
Тонал крем терини қуритиб юборади
Тонал кремдан фойдаланиш орқали тери қуришининг олдини олиш мумкин. Бунга крем таркибида ўсимлик, масалан, авокадо ёғи борлиги сабаб бўлади. Ушбу компонентлар терини ёмон ҳавода дағаллашишидан ҳимоялайди, шунингдек, терини атрофдаги зарарли омиллардан ҳимоя қилувчи гидролипидли плёнкани тиклайди.
Юзда ажин кўпайишига сабабчи бўлади
Тонал крем ва ажин пайдо бўлиши ўртасида боғлиқлик борлиги ҳам яна бир тўқима ҳисобланади. Замонавий кремлар терини жуда яхши намлантиради. Қолаверса, косметик компаниялар томонидан лифтинг таъсирли кремлар ишлаб чиқариш йўлга қўйилган. Бу ҳали ҳаммаси эмас, айрим тонал кремлар таркибида ультрабинафша нурларидан ҳимоя қилувчи ҳамда тери эрта қаришининг олдини олувчи моддалар бўлади.
Эҳтиёт бўлиш тавсия қилинади!
Бир нарсани ёддан чиқарманг: таъкидланган фойдали хусусиятлар кремдан тўғри фойдалангандагина натижа беради. Тонал крем суртишдан аввал терини тозалаш, намлантириш ҳамда унинг ўзи тери рангига мувофиқ тарзда танланган бўлиши керак. Визажистлар икки хил рангли — ёз учун очроқ, қиш учун оч рангли кремдан фойдаланишни, шунингдек, уйқудан аввал терини мунтазам равишда намлантириб туришни тавсия қилади.
Изоҳ (0)