АҚШда коронавируснинг анча хавфли варианти пайдо бўлган бўлиши мумкин. CNN телеканалининг Оқ уйга таяниб маълум қилишича, эҳтимолларга кўра, унинг мутацияси куз-қиш даврида касаллик кучайишига олиб келган.
«АҚШда эпидемиянинг кузги-қишки кучайиши вақтида касалликка чалиниш ҳолати баҳор ҳамда ёзга нисбатан қарийб икки баробарга ошди. Бу каби тезлашиш коронавируснинг ‘британча’ штаммига қўшимча равишда АҚШнинг ўз варианти ривожланган бўлиши мумкин, деган хулосага келишга сабаб бўлади», — дейилади ҳисоботда.
Вирусологларнинг тахминича, коронавируснинг янги штамми олдинги версиясидан 50 фоизга юқумлироқ.
Эслатиб ўтамиз, Буюк Британияда коронавируснинг янги тури аниқлангани, шу туфайли мамлакатнинг айрим ҳудудларида касаллик тарқалиш суръати тезлашгани ҳақида 14 декабрь куни маҳаллий Соғлиқни сақлаш вазирлиги раҳбари Мэттью Хэнкок маълум қилди. Буюк Британия бош вазири Борис Жонсоннинг сўзларига кўра, ушбу турдаги коронавирус аввалгиларидан 70 фоизга юқумлироқ, лекин ундан хавфли эмас.
Аввалроқ коронавируснинг «британча» штамми 41 та, «африкача» штамми эса 7 та мамлакатда аниқлангани, Британияда учинчи локдаун эълон қилингани ҳамда Германияда коронавирус туфайли чекловлар кучайтирилгани ҳақида хабарлар берилганди.
Изоҳ (0)