АҚШнинг амалдаги президенти Дональд Трампнинг Twitter’даги шахсий аккаунти — @realДональдTrump зўравонликни янада қўзғатиш хавфи юқори бўлгани сабабли бутунлай блокланди. Бу ҳақда компания блогида Вашингтон вақти билан 8 январь кечаси эълон қилинган.
Пресс-релизда Трамп 6 январь куни Вашингтонда содир бўлган тартибсизликлар сабаб 12 соатлик блокланишдан сўнг, ёзган охирги икки тивити матни батафсил ўрганиб чиқилган бўлиб, компания уни зўравонликка чақириқ деб ҳисоблаган. Масалан, Трампнинг сайланган президент Жо Байден инаугурациясида иштирок этмаслиги тўғрисидаги твитини Twitter маросимга ҳужум амалга оширилишига шама деб ҳисоблаган, чунки амалдаги президент унда иштирок этмайди.
Шунингдек, Twitter пресс-релизида ижтимоий тармоқнинг ўзи ва бошқа платформаларда янги қуролли норозилик намойишларининг, жумладан, 17 январь куни Капитолий ва бошқа ҳукумат биноларига ҳужуми режаси тарқалмоқда. Twitter Трампдан ташқари, QAnon конспирологик ҳаракатига боғлиқ қатор аккаунтларни ҳам блоклаган, жумладан, Трампнинг адвокати Сидни Пауэлл ва унинг Миллий хавфсизлик бўйича собиқ маслаҳатчиси Майкл Флинни ҳам.
Мавзуга доир:
Конгрессменларнинг бир қисми Капитолийдан эвакуация қилинди. Вашингтонда комендантлик соати эълон қилиниб, тартибни сақлаш учун АҚШ пойтахтига Миллий гвардия кучлари киритилди. Тўқнашувларда тўрт киши ҳалок бўлгани айтилмоқда.
Шундан сўнг Facebook ва Instagram Трампни 24 соатга, Twitter эса 12 соатга блоклаб қўйди. Кейинроқ 7 январь куни АҚШ Конгресси мажлисини давом эттириб, Жо Байденнинг АҚШнинг 46-президенти этиб сайланганини тасдиқлади ва унинг инаугурациясини 20 январга белгилади. Кейинроқ Дональд Трамп Facebook ва Instagram’да президентлик муддати тугагунча блокланди.
Изоҳ (0)