Самарқанд вилоят ИИБ ходимлари муайян яшаш жойига эга бўлмаган шахсларга ёрдам кўрсатмоқда. Бу ҳақда «Дарё»га вилоят ИИБ ахборот хизмати маълум қилди.
Таъкидланишича, патруль-пост хизмати ходимлари уйсиз қолиб, кўп қаватли уйларнинг ертўлаларида, уй йўлакларида тунаётганларни аниқлаш бўйича тадбир ташкил қилган. Бошпанасиз фуқароларни совуқдан асраш учун уларни реабилитация марказига олиб боришни йўлга қўйган.
«Уйга муҳтожлар вилоят ИИБ, ППХ ва Жамоат тартибини сақлаш бўлимига қарашли муайян яшаш жойига эга бўлмаган шахсларни реабилитация қилиш марказида ташкил этилган ‘Меҳр-саховат’ бошпанасига жойлаштирилмоқда. Бу ерга бир кунда 20 нафарга яқин киши келтирилмоқда», дейилади вилоят ИИБ берган хабарда.
Эслатиб ўтамиз, аввалроқ Тошкент шаҳар ИИББ ходимлари 35 дан ортиқ уйсиз одамни топиб, уларни «Меҳр-саховат» уйида бошпана билан таъминлагани хабар берилганди.
Изоҳ (0)