Доғистондаги Тарки қишлоғида оммавий жанжал содир бўлди, бунинг оқибатида бир киши вафот этган.
«Аргументи и факти Доғистон» нашрининг хабар қилишича, 6 январь кунги жанжал оқибатида MMA жангчиси Керим Хайруллаев пичоқ орқали етказилган жароҳатлар оқибатида ҳалок бўлган. Унинг қотили 19 ёшли йигит экани маълум бўлди.
Жанжалга наркотик тарқатувчиларга қарши курашган маҳаллий аҳоли вакилининг 3 январь куни ўлдирилиши сабаб бўлган. 6 январь куни Тарки аҳолиси мазкур қотиллик юзасидан норозилик акцияси ўтказиш мақсадида кўчага чиққан. Дастлабки маълумотларга кўра, аҳоли вакиллари ва қотилнинг оила аъзолари ўртасида муштлашув келиб чиққан.
Полиция 19 ёшли қотил ва яна 10 га яқин жанжал иштирокчиларини ҳибсга олган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)