Муборакнинг «Машъал» клуби мураббийлар штабида ўзгариш юз берди.
Клуб матбуот хизматининг ёзишича, жамоага испаниялик Серхио Маринангели бош мураббий этиб тайинланган. Тайинлов 7 январь, пайшанба куни амалга оширилган.
«Машъал» жамоасига катта мақсадлар билан келдим, чунки клуб бош директори Илҳом Қурбонов билан гаплашганимда мақсадлари жиддий эканлигига амин бўлдим. Бу мавсум яхши рақобатдош жамоа шакллантириб, клуб мухлисларини хурсанд қилишга ҳаракат қиламан. Шу фурсатдан фойдаланган ҳолда «Машъал» жамоасига келишим учун музокаралар олиб борган «Эл Голазо» компаниясига ҳам ўз миннатдорчилигимни билдириб қоламан.Шу пайтгача бош мураббий вазифасини бажарган Дилявер Ваниевнинг жамоа бошлиғи лавозимига ўтказилгани айтилмоқда.Серхио Маринангели, футбол мураббийи
Маринангели бунга қадар Про Лиганинг «Оқ-тепа» жамоасида ишлаб келаётганди.
Маълумот ўрнида, испаниялик мутахассис Серхио Мариангели 2015—2017 йилларда Экваториал Гвинея терма жамоасида бош мураббий Эстебан Беккерга ассистентлик қилган. Шунингдек, у фаолияти давомида Испаниянинг бир қанча қуйи лига жамоаларида ҳам ишлаган.
Аввалроқ Тошкентнинг «Локомотив» жамоаси португалиялик мутахассис Микаэл Секейра билан шартнома имзолагани ҳақида хабар берилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)