Италиянинг La Gazzetta dello Sport нашри А Серия 16-тури доирасида 6 январь куни кечган «Сассуоло» — «Женоа» учрашувининг (1:2) энг яхши ўйинчисини маълум қилди.
Генуяликларнинг мағлубиятига қарамай, Элдор Шомуродов учрашувнинг энг яхши ўйинчиси сифатида эътироф этилган. Ўзбекистонлик футболчи учрашувнинг 64-дақиқасида меҳмонларнинг ягона голига муаллиф бўлганди.
Қайд этиш жоиз, La Gazzetta dello Sport А Серия 15-туридаги «Женоа» — «Лацио» ўйинида (1:1) ҳам энг яхши футболчи сифатида Шомуродовни танлаганди.
Шомуродов 2020 йилнинг октябрида 7,5 миллион евро эвазига «Ростов»дан «Женоа»га ўтганди. 25 ёшли футболчи ҳужумчи жорий мавсум А Серияда 11 ўйин ўтказиб, икки гол ва битта голли узатма амалга оширди.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)