Lego компанияси барқарор ривожланиш соҳасидаги ташаббусларини давом эттириб, Flower Bouquet номли ботаник коллекциясини тақдим этди. Унинг элементлари асосини шакарқамиш ташкил этади, деб ёзади «Afisha.uz».
Коллекция иккита жамланмадан иборат: гуллар дастаси ва бонсай дарахтидан. Уларнинг биринчиси 756 та элементдан иборат бўлиб, атиргул, қўқонгул, дасторгул ҳамда антирринум гулдасталарини йиғиш мумкин. Иккинчиси — Bonsai Tree — 878 та элементдан иборат.
«Катталар руҳий қувват олишнинг янги усулларини қидираётган бир вақтда биз уларга зўриқишларга бой кундалик ҳаётда хотиржамликни топишга ёрдам беришдан хурсандмиз», — дейди Lego етакчи дизайнери Жейми Берард.
Гуллар дастаси ва бонсай дарахтининг донасини 49,99 доллар нархини сотиб олиш мумкин.
Аввалроқ Lego «Арвоҳ овчилари» фильмидаги машҳур Cadillac конструкторини яратгани, шунингдек, ишлайдиган «подвеска»га эга Jeep Wrangler модели жамланмасини тақдим этгани тўғрисида хабар берилганди.
Изоҳ (0)