Тошкент шаҳрида 2020 йил давомида ўтказилган хатловда 100 дан ортиқ якка тартидаги уй-жой қуриш учун ажратилган ер участкаларида учдан ортиқ қаватли уй-жойлар қурилгани аниқланган. Бу ҳақда 6 январь, чоршанба куни бўлиб ўтган Олий Мажлис Сенатининг ўн биринчи ялпи мажлисида Тошкент шаҳар ҳокими, сенатор Жаҳонгир Ортиқхўжаев айтиб ўтди.
Парламент юқори палатасининг ялпи мажлисида кун тартибидаги «Ўзбекистон Республикасининг Шаҳарсозлик кодексини тасдиқлаш ҳақида»ги қонун лойиҳаси муҳокамага қўйилди.
Кодекс лойиҳаси муҳокамасида сўз олган Жаҳонгир Ортиқхўжаевнинг маълум қилишича, кейинги вақтда айрим фуқаролар томонидан ўзбошимчалик билан қурилиш ишларини амалга ошириш ҳолатлари кўпайиб кетган.
Тошкент шаҳридаги якка тартибдаги уй-жой қуриш учун ажратилган ер участкасида кўп қаватли квартирали уйлар қуриш ҳолатлари ортиб бормоқда. Бу қурилган кўп қаватли квартирали уйлардаги муҳандислик коммуникасиялар тизимига салбий таъсир ўтказмоқда: айримлари қувватига етмай, айримлари эса турли хил авариялар ҳолатларини келтириб чиқармоқда.Маълумот учун, таклиф этилаётган кодекс лойиҳасига 20 дан ортиқ ўзгартиш ва қўшимчалар киритилган. Кодексда норматив-техник ҳужжатларни жорий этиш ва уларнинг ҳисобини юритиш бўйича янги нормалар:2020 йил ўтказилган хатловда 100 дан ортиқ якка тартидаги уй-жой қуриш учун ажратилган ер участкаларида учдан ортиқ қаватли квартирали уй-жойлар қурилган. Ушбу ҳолатлар шу атрофдаги аҳолининг норозилигига сабаб бўлган ҳамда коммунал соҳадаги муаммоларни келтириб чиқармоқда.
Кодекс лойиҳасининг 47-моддасида юқорида қайд этилган ҳолатларга барҳам берувчи норма киритилди. Яъни якка тартибдаги уй-жой қуриш учун ажратилган ер участкаларида кўп қаватли, икки қаватдан ортиқ уй-жой биноларини қуриш та’қиқланади. Шунингдек, аҳоли пунктларининг бош режаларини тасдиқлашдан олдин жамоатчилик муҳокамасига қўйилиши белгиланди.
Кодекс лойиҳасининг олтинчи бобида бевосита аҳоли норозилигининг олдини олувчи, ортиқча оворагарчилик ва харажатларга сабаб бўлаётган ҳолатларни бартараф этувчи нормалар киритилмоқда. Хусусан, эндиликда, тасдиқланмаган аҳоли пунктларининг бош режалари муҳокамасидаги асосли таклифлар инобатга олиниши назарда тутилмоқда.
Жаҳонгир Ортиқхўжаев, Тошкент шаҳар ҳокими, сенатор
- шаҳарсозлик фаолияти соҳасидаги қарорларнинг муҳокамасида жамоатчилик назоратининг иштирокини таъминлаш;
- юридик ва жисмоний шахсларга етказилган зарарнинг ўрни қопланишининг асосий йўналишларини белгилаб берадиган янги норма;
- пудрат учун давлат шартномасини ишлаб чиқиш ва тузиш тартиби ҳамда пудрат ишлари қатъий шартнома асосида амалга оширилиши;
- шаҳарсозлик ҳужжатларини экспертизадан ўтказишда экспертларнинг ҳуқуқлари ва жавобгарлиги кўрсатилган.
Сенат аъзолари ушбу қонун лойиҳасини маъқуллади.
Изоҳ (0)