Шу кунларда Ўзбекистонда қалин туман тушиши ва совуқ ҳарорат кузатилмоқда, дарахт ва симёғочлар оппоқ қорга бурканди.
Экология ва атроф муҳитни муҳофаза қилиш давлат қўмитасининг билдиришича, бу ҳодисада туни билан ҳамма ёқда қор ёғиб чиққандай кўринади. Аслида, табиатнинг бу ҳодисаси булдуруқ (изморос) дейилади.
Булдуруқ қалин туман сабаб кўринувчанликнинг 50 метргача чекланганида ҳамда ҳароратнинг 0 даражадан паст бўлганида кузатилади. Намликка ўта тўйинган ҳаво таркибидаги сув кристаллашиб дарахт шохлари ва симёғочларга ёпишиб қолади. Яъни қиров атрофни қор каби қамраб олади.
Қашқадарё ва Сурхондарё вилоятларидаги булдуруқ манзараси:
Эслатиб ўтамиз, бундай ҳолат декабрь ойи ўрталарида ҳам кузатилганди.
Изоҳ (0)