Президент Шавкат Мирзиёев 29 декабрь куни Олий Мажлисга йўллаган Mурожаатномасида автомобиль ишлаб чиқарувчилар сонининг ортишини маълум қилди. Давлат раҳбарининг сўзларига кўра, бу автомобиль саноатида соғлом рақобатни ривожлантириш ва корхоналарга тенг шароитларни яратиш ҳисобига амалга оширилади.
Spot’нинг ёзишича, 2021—2023 йилга мўлжалланган инвестиция дастурида автомобиль ишлаб чиқариш соҳасига оид бир нечта лойиҳалар кўрсатиб ўтилган.
Navoi Motors, Навоий вилояти
Автомобиллар (пикаплар, мини-юк машиналари, минивэнлар, йўлтанламас ва электромобиллар) ва тракторлар ишлаб чиқариш. Уни 2021 йил декабрида фойдаланишга топшириш режалаштирилган. Ишлаб чиқариш қуввати — 12 минг дона. Инвестиция ҳажми — 12 миллион доллар. Хорижлик шериклар/кредиторлар сифатида Parsalpine Management GMBH кўрсатилган.
Manas Avto Sanoat, Наманган вилояти
Юк автомобилларини ишлаб чиқариш. 2021 йил декабрида фойдаланишга топшириш режалаштирилган. Ишлаб чиқариш қуввати — 3 минг дона. Инвестиция ҳажми — 10 миллион доллар. Хорижлик шериклар/кредиторлар сифатида Manas Savunma AS кўрсатилган.
Namangan Changan Motors, Наманган вилояти
Юк автомобилларини ишлаб чиқариш. 2021 йил июнида фойдаланишга топшириш режалаштирилган. Ишлаб чиқариш қуввати — 1,8 минг дона. Инвестиция ҳажми — 5,8 миллион доллар. Хорижлик шериклар/кредиторлар сифатида Mustafa Rent A Car LLC кўрсатилган.
ADM Jizzakh, Жиззах вилояти
Kia, Lada ва Renaul автомобилларини ишлаб чиқариш. Ишлаб чиқариш қуввати — 100 минг дона. Лойиҳа 60,9 миллион долларга баҳоланган бўлиб, унинг 33,3 миллион долларини 2021 йилда ўзлаштириш режалаштирилган. Режага кўра, 2021—2022 йилларда фойдаланишга топширилади. Хорижлик шериклар/кредиторлар сифатида Жанубий Корея Экспорт-импорт банки кўрсатилган.
Auto Motors Asia, Жиззах вилояти
Кроссоверлар, юк машиналари ва микроавтобуслар ишлаб чиқариш. Ишлаб чиқариш қуввати — 27 минг дона. Инвестиция ҳажми — 16,2 миллион доллар бўлиб, унинг 6 миллион долларини 2021 йилда ўзлаштириш режалаштирилган. Режага кўра, корхона 2021—2022 йилларда фойдаланишга топширилади. Хорижлик шерик/кредитор сифатида Dongfeng Motor Corporation ва Changan Automobilе кўрсатилган.
Аbbos Eco agro, Сурхондарё вилояти
Автомобиллар, минивэнлар ва мини-юк машиналарини ишлаб чиқариш. Ишлаб чиқариш қуввати — 10 минг дона. Инвестиция ҳажми — 30 миллион доллар бўлиб, унинг 10 миллион долларини 2021 йилда ўзлаштириш режалаштирилган. 2021—2023 йилларда фойдаланишга топширилади. Хорижлик шерик/кредитор сифатида BAIC Group кўрсатилган.
Мавзуга доир:
Изоҳ (0)