Нигер ғарбидаги иккита қишлоқнинг 100 га яқин аҳолиси 2 январь куни «Боко Ҳарам» террорчилик гуруҳи жангарилари томонидан ўлдирилди. Яна 25 киши жароҳат олди, деб хабар бермоқда Euronews.
Ҳуқуқ муҳофазачилари ҳодисани ушбу Африка мамлакатида тинч фуқароларнинг оммавий равишда ўлдирилиши деб атади.
Қишлоқлардан бирининг тирик қолган мэри айтиб беришича, мотоцикл минган ўнлаб жиҳодчилар иккита колоннага бўлиниб, бир вақтнинг ўзида бир-биридан 7 км узоқликда жойлашган иккита аҳоли пункти аҳолисига ҳужум қилган.
АP аниқлик киритишича, маҳаллий ҳукумат сўзларига кўра, Тиллабери туманидаги қишлоқлар маҳаллий аҳолиси икки жангарини ўлдирганидан кейин ҳужумга учраган. Оммавий қотиллик Нигер сайлов комиссияси мамлакатда президент сайловининг иккинчи босқичи бўлиб ўтиши ҳақида эълон қилинган куни юз берди.
Изоҳ (0)