Niger janubi-sharqida xudkush terrorchilar tomonidan amalga oshirilgan teraktlar oqibatida to‘qqiz kishi halok bo‘ldi va qirqqa yaqin odam jarohatlandi. Bu haqda “RIA Novosti” xabar bermoqda.

Foto: Google Photos

Hujumlar Nigeriya chegarasidagi Diffa viloyatining shu nomli ma’muriy markazida amalga oshirildi. Uch terrorchi, shu jumladan, ikki ayol, shahardagi madrasa yaqinida o‘zlarini navbatma-navbat portlatib yubordi.

Hozirda shahardagi maktab va bozorlar yopiqligicha qolmoqda, ko‘chalarda xavfsizlik otryadlari patrul o‘tkazmoqda.