Британияда аҳолини AstraZeneca вакцинаси билан эмлаш бошланди

Буюк Британияда аҳолини Британия ва Швециянинг AstraZeneca компанияси ҳамда Оксфорд университети томонидан ҳамкорликда ишлаб чиқилган вакцина билан эмлаш бошланди, деб хабар бермоқда «Коммерсантъ».

'I'm so pleased to be getting the COVID vaccine today and really proud it is one that was invented in Oxford.'

82-year-old Brian Pinker became the first person in the world to receive the new Oxford AstraZeneca vaccine this morning at @OUHospitals. 💉 pic.twitter.com/nhnd3Sx97m

— NHS England (@NHSEngland) January 4, 2021

Биринчи бўлиб вакцинани 82 ёшли Брайан Пинкер қабул қилди.

AstraZeneca’дан фойдаланишни Буюк Британия ҳукумати маъқуллагани ҳақида декабрь охирида маълум бўлган эди. Британия 100 миллион доза вакцинага буюртма берган — бу 50 миллион кишини эмлаш учун етади.

Буюк Британия AstraZeneca вакцинасини рўйхатдан ўтказган дунёдаги биринчи давлат бўлди. Аввалроқ у АҚШнинг Pfizer ва Германиянинг BioNTech компанияси томонидан ишлаб чиқилган вакциналарни биринчилардан бўлиб лицензиялаганди.

Ноябрь ойининг охирида AstraZeneca компанияси Оксфорд университети билан ҳамкорликда ишлаб чиқарган вакцинаси 70 фоиз самарадорлиги ҳақида эълон қилганди. Компания вакцина турли эмлаш схемаларида турлича самарадорлик кўрсатганини билдирган.

Буюк Британияда аҳолини COVID-19’га қарши Pfizer ва BioNTech вакцинаси билан эмлаш 8 декабрдан бошланган эди.

Пандемия бошидан буён Буюк Британияда 2,6 миллион киши коронавирусни юқтириб олган, 75 минг киши вафот этган.