Ortiqcha vazni bilan birga husnini ham yo‘qotgan mashhur ayollar (foto)

Shou-biznes vakillari har doim diqqat markazida ekani sabab ham ko‘rinishi va vazniga e’tibor qaratadi. Ammo chiroyli ko‘rinish uchun kilo tashlashlar natijasi har doim ham kutilgandek bo‘lmasligi mumkin.

Demi Mur

Demi aktyor Eshton Kutcher bilan ajrashganidan keyin depressiyaga tushib, ozib ketgan. Unda anoreksiya kuzatilgan degan ma’lumotlar mavjudligiga qaramay, Demi buni inkor qilgan. Ozib ketish unga yarashmagan va yoshidan kattaroq ko‘ringan. Ammo u o‘zini qo‘lga ololgan va eski holiga qaytgan. Shunga qaramasdan, yuzi kirtayganicha qolib ketgan. Hamkasblari va yaqinlari Mur yuzi ozg‘in ko‘rinishi uchun plastik jarrohga murojaat qilgan deb biladi.

Anjelina Joli

Bred Pitt bilan bog‘liq muammo va ajrashish sabab Joli so‘nggi bir necha yilda 45 kilogacha ozib, anoreksiya holatiga kelgan. Uning haddan ortiq darajada vazn tashlagani sababli muxlislari salomatligidan xavotirga tusha boshlagan. Bugungi kunda aktrisa asta-sekin eski holiga qaytmoqda, ko‘rinishi ham ancha o‘ziga kelib qolgan.

Tara Rid

“Amerika pirogi” kartinasi yulduzi, parhez va plastik jarrohligiga mukkasidan ketmagunicha ideal qomatga ega bo‘lgan. Hammasi plastik operatsiya natijasidan ko‘ngli to‘lmay, qayta qildirganidan keyin boshlangan. Ammo uning o‘zi ko‘rinishiga gap yo‘q deb hisoblab, boshqalarni xavotirlanmaslikka chaqiradi. Hozir hech nima yemaydi degan gap chiqaradigan odamlar bir vaqtlar uning vazn tashlash kerakligini muhokama qilgani, u doim tanqid ostida bo‘lganini ta’kidlaydi.

Polina Gagarina

Xonanda hech qachon ortiqcha vaznga moyilligi borligini yashirmagan. Birinchi farzandini dunyoga keltirganidan keyin sezilarli darajada semirib ketgan va uzoq vaqt ortiqcha vazn bilan kurashgan. Polina 2012-yilda yaxshigina ozib ketgan va shundan buyon semirib ketmaslikka harakat qiladi.

2017-yilda takror ona bo‘lgan Gagarina shaxsiy sport instruktori va to‘g‘ri ovqatlanish bilan yana sarvqomat bo‘lib olgan. Polina stress uning eng asosiy treneri va parhezshunosi ekanligini aytib, shoudan avval asabiylashsa, bir necha kilo tashlashini qo‘shimcha qiladi. Shuningdek, u fast-food yeyishi mumkinligi, ammo bundan keyin zalda sport bilan shug‘ullanishini aytib o‘tgan.

Lyaysan Utyasheva

Lyaysan doimiy ravishda gimnastika bilan shug‘ullanishiga qaramay, uning ham to‘lishishga moyilligi bor. Ona bo‘lganidan keyin sportchi vazn tashlashga qiynalgan, ko‘proq sport bilan shug‘ullanishi va parhez qilishiga to‘g‘ri kelgan.

Natijadan Utyashevaning ko‘ngli to‘lgan, ammo muxlislari uni anoreksiya holatiga kelib qolgan deb hisoblagan. Foydalanuvchilar uni bo‘rtgan yonoqlari chiroyli bo‘lganini yozib qoldirgan. Utyashevaning o‘zi esa u farzandli bo‘lishdan avval ham shunday ozg‘in bo‘lgani va salomatligi bilan bog‘liq hech qanday muammo yo‘qligini ma’lum qilgan. “Vaznim birinchi farzandimni dunyoga keltirgunimgacha bo‘lganidek hozir ham 49 kg”, — deb muxlislarini tinchlantiradi sportchi.