Якунига етаётган 2020 йилда ота-оналик бахтига сазовор бўлган ўзбекистонлик машҳурлар ҳақида маълумот берамиз.
Актриса Зарина Низомиддинова 2020 йилнинг апрелида иккинчи марта оналик бахтига эришди. Чақалоққа Саидумар деб исм қўйилди.
Ҳозирда оиласи билан Россиянинг Москва шаҳрида истиқомат қилаётган Лола 2020 йилнинг июль ойида учинчи марта она бўлди. Хонанда қизалоғига Аиша деб исм қўйди.
Ўзбекистон Президенти Шавкат Мирзиёевнинг катта қизи, Миллий масс-медиани қўллаб-қувватлаш ва ривожлантириш жамоат фонди Васийлик кенгаши раиси ўринбосари Саида Мирзиёева ўғилли бўлди. Болакайга бобосининг шарафига Шавкат исми қўйилди.
Давлат бошқарувини модернизациялаш ва электрон ҳукумат масалалари бўйича мутахассис, Smartgov Consulting компанияси ижрочи директори, блогер ва жамоатчилик фаоли Азиза Умарова ҳам 2020 йилда қиз фарзандли бўлди. Чақалоққа Ойсара деб исм қўйилди.
«Фарёд», «Девона», «Уқубат» ва «Алданган аёл» фильмларидаги роллари билан томошабинларга яхши таниш бўлган актриса Жамила Ғофурова 20 сентябрь куни икки қиз фарзанддан кейин ўғилли бўлди.
Ўзбекистон футбол терма жамоаси сардори Одил Аҳмедов 21 февраль куни тўртинчи марта ота бўлди. Унинг оиласида қиз фарзанд дунёга келган.
Таниқли актриса ва дизайнер Шаҳзода Муҳаммедова 2020 йилнинг 22 апрель куни қиз фарзандли бўлди. Қизчага Милана деб исм қўйилди.
Хонанда Шоҳруҳхон ва актриса Асал Шодиева 2020 йилнинг сентябрь ойида ўғил фарзандли бўлди. Юлдузли жуфтлик чақалоққа Муҳаммадюсуф деб исм қўйди.
«Ниҳол» мукофоти совриндори Малика Эгамбердиева 2020 йилнинг 11 ноябрь куни қиз фарзандли бўлди.
Халқ депутатлари Чилонзор туман кенгаши депутати сифатида фаолият юритаётган Шоҳрух рэпер 2020 йилда учинчи марта ота бўлди.
Актриса Ситора Алимжонова ҳам 2020 йилда илк марта оналик бахтига сазовор бўлди. У ўғил фарзандни дунёга келтирди. Чақалоққа Муҳаммадамин деб исм қўйилди.
«Қараб-қараб», «Зинама-зина», «Сўра, сўра» каби хит қўшиқлар ижрочиси, хонанда Умар Шамсиев ўғил фарзандли бўлди. Чақалоқ хонанданинг тўртинчи фарзанди.
Таниқли хонанда ва актриса Мадина Мумтоз 2020 йилнинг ёзида учинчи бор оналик бахтига сазовор бўлди. У ўғил фарзандни дунёга келтирди.
Хонанда Шаҳзод Муродов ҳам 2020 йилда ўғил фарзандли бўлди.
Изоҳ (0)