Исроилда коронавирусга қарши миллион киши эмланди, бу мамлакат аҳолисининг 10 фоизини ташкил этади, деб хабар беради Times of Israel.
Маълум қилинишича, 1 январь куни мамлакат бош вазири Биньямин Нетаньяху Умм-ал-Фаҳм шаҳридаги вакцинация пунктига ташриф буюрган ва Исроилнинг бир миллионинчи фуқаросини эмлаш жараёнида иштирок этган.
Исроил дори воситасининг биринчи дозаси эмлаш бўйича дунёда етакчилик қилмоқда.
Шу билан бирга, таъкидланишича, мамлакат аҳолисининг 20 фоизини ташкил этадиган араблар орасида вакцинация у қадар кўп амалга оширилмаяпти.
Аввалроқ Исроил ҳукумати коронавируснинг янги штамми туфайли хорижликларнинг мамлакатга киришини тақиқлагани, мамлакатда 27 декабрь соат 17:00 дан янги — пандемия бошидан буён учинчи карантин бошлангани ҳақида хабар берилганди.
Эслатиб ўтамиз, Исроил бош вазири Биньямин Нетаньяху 20 декабрь куни мамлакатда биринчилардан бўлиб коронавирусга қарши Pfizer вакцинаси билан эмланган эди.
Изоҳ (0)