Венгрия COVID-19’га қарши Россия вакцинасини сотиб олмасликка қарор қилди

Венгрия «ишлаб чиқариш қуввати етарли бўлмаганлиги» сабабли Россиядан коронавирус қарши вакцина сотиб олмайди. Бу ҳақда мамлакат бош вазири Виктор Орбан администрацияси раҳбари Гергей Гуляшга асосланиб «РБК» хабар бемоқда.

Будапешт препаратни ёки Европа иттифоқи сотиб олиш механизмини орқали, ёки тўғридан-тўғри Хитойдан сотиб олишни режалаштирган. Аввалроқ Пекин China National Biotec Group (CNBG) (Sinopharm бўлинмаси) томонидан ишлаб чиқарилган вакцинани умумий фойдаланиш учун маъқуллаганди.

Гуляшнинг сўзларига кўра, Венгрия Россия вакцинаси синовларида иштирок этишдан мамнунлиги, аммо катта миқдорда вакцина сотиб олиш «ЕИ жараёнининг бир қисми» бўлиши ёки Хитойдан сотиб олиниши керак.

Россия тўғридан-тўғри инвестиция жамғармаси (РТИФ) Венгриянинг Россия вакцинасидан воз кечиши ҳақидаги хабарни «сохта янгиликларнинг яна бир мисоли» деб атади. Жамғармада айтилишича, Москва 2021 йил январь март ойларида Будапештни етарли даражадаги вакцина билан таъминлашга тайёрлигини ва ҳозирда Венгрия назорат органларидан рухсат олиш учун иш олиб бораётганини билдирган.

28 декабрь куни Венгрия ташқи ишлар вазири Петер Сийярто мамлакатга Россиянинг 6000 дозадан ибора вакцина партияси келганини маълум қилган.

Октябрь ойи охирида Орбан Будапешт Москва ва Пекин билан у ерда ишлаб чиқарилган вакциналарни етказиб бериш масаласини муҳокама қилаётганини маълум қилган. Шундан сўнг, Европа Комиссияси  вакили Эрик Мамер, Брюссель фақат Европа Иттифоқи ҳудудида препарат ишлаб чиқарадиган мамлакатлар билан етказиб бериш бўйича шартномаларини имзолаши, Россия ва Хитой билан музокаралар олиб борилмаётганини таъкидлаб ўтган. У, шунингдек, Венгрия ЕИда сертификатланмаган вакцинани сотиб олган тақдирда, унга қарши маъмурий чоралар қўллаш билан таҳдид қилган. Бироқ, кейинчалик, ЕKнинг расмий вакили Стефан де Кеерсмэкер, Венгрия Европа дори воситалари агентлиги (EМА) розилигисиз ҳам Россия вакцинасидан фойдаланиш ҳуқуқига эга эканлигини билдирган.

Ноябрь ойида Будапешт Венгрия олимлари томонидан ўрганилиши учун «Спутник V» вакцинасининг биринчи намунасини олди. Сийярто Венгрия ЕИ раҳбариятидан ушбу препаратни сотиб олиш учун рухсат олмаганини, чунки мамлакат қонунлари ҳукуматга фавқулодда вазиятда ЕИнинг рухсатисиз дори-дармонларни импорт қилиши мумкинлигини айтган.

Вазир, шунингдек, Будапешт препаратни ишлаб чиқаришни Венгрияга йўлга қойишдан мамнун бўлишини билдирган. Бу тахминан бир ярим йил давом этиши мумкин. Бироқ, Европада ЕИ ташқарисидан келадиган вакциналарга қарши лобби мавжулигини қайд этган.

Сижарто Венгрия ҳукумати максимал самарадорликни таъминлаш учун бир нечта вакциналарни ўрганишга ҳаракат қилишини таъкидлаган. Ҳозиргда Европа Комиссияси томонидан фақатгина Pfizer ва BioNTech вакцинаси тасдиқланган.

Жаҳон соғлиқни сақлаш ташкилоти 31 декабрь куни Pfizer ва BioNTech томонидан биргаликда ишлаб чиқарилган вакцинадан фойдаланишни расман тасдиқлади.