Isroil bosh vaziri Binyamin Netanyaxu mamlakatda birinchilardan bo‘lib koronavirusga qarshi Pfizer vaksinasi bilan emlandi. Bu haqda “RBK” xabar bermoqda. Emlash jarayoni Isroilning bir necha telekanallari orqali to‘g‘ridan to‘g‘ri efirda namoyish etilgan.
https://twitter.com/kann_news/status/1340360802411421697
Bosh vazir o‘zining Twitter’ida “Odam uchun kichik bir ukol — barchamiz sog‘lig‘imiz uchun katta qadamdir”, — deb yozgan. Shuningdek, Isroil COVID-19’ga qarshi vaksina olgan birinchi davlatlardan biri bo‘lganini ta’kidlagan.
Netanyaxu koronavirusga qarshi vaksinani xavfsiz deb aytgan va dekabr oyi oxiriga qadar mamlakatga preparatning “million doza”sini olishni va’da qilgan. U boshqalarga namuna bo‘lish uchun birinchilardan bo‘lib vaksina qabul qilishga qaror qilganini bildirgan.
Eslatib o‘tamiz, koronavirusga qarshi Pfizer vaksinasini butun dunyo bo‘ylab tarqatish noyabr oyi oxiridan boshlandi. Britaniya dunyoda birinchi bo‘lib ushbu kompaniya vaksinasidan foydalanishni ma’qulladi. Bundan tashqari, AQSh, Bahrayn, Meksika, Kanada va Shveysariyada u foydalanish uchun tasdiqlangan.
Pfizer 2020-yil oxiriga qadar, oldinroq rejalashtirilganidek, 100 million emas, balki 50 million doza vaksina ishlab chiqara oladi.
Avvalroq AQShda Pfizer vaksinasi bilan emlangan ikki tibbiyot xodimining ahvoli yomonlashgan, sinovlardagi 6 ko‘ngilli esa vafot etgani haqida xabar berilgandi.Mavzuga doir: AQSh vitse-prezidenti omma oldida COVID-19’ga qarshi emlandi
