Сочни Янги йил кечасига замонавий қилиб турмаклаш учун стилистга мурожаат қилишнинг кераги йўқ. 15 дақиқа вақт ажратиб ҳам кўнгилдагидек кўринишга эга бўлиш мумкин.
Актриса Диана Крюгерники сингари тез тайёр бўладиган соч турмаги
Сочингизни бўшроқ қилиб йиғинг ва четидан бир-икки кокил туширинг. Бундай турмак ўртача узунликдаги соч эгалари учун энг яхши вариант. Аксессуар, масалан тошли безак тақиб образни якунланг.
Эмили Блант сингари Янги йил турмаги
Сочингизни силлиқ қилиб йиғинг ва лак сепинг. Ўртасидан фарқ очилиб қолмаслигига ҳаракат қилинг. Тошли ободок бундай соч турмагини ўзига хос қилиб кўрсатади.
Перис Ҳилтон сингари байрам соч соч турмаги
Янги йил учун айни муддао бўлган соч турмакларидан бири номига жингалак қилиб ёйилган ҳамда диадема тақилган вариант ҳисобланади. Плойка ёки дазмолда катта-катта жингалак қилинг ва сочларингизни ёйиқ қолдиринг. Қарабсизки, соч турмаги тайёр. Безакли ободок, диадема ва бошқа тошли аксессуарлар сизни Янги йил кечасининг маликаси бўлишингизга ёрдам беради.
Изоҳ (0)