Макияж аёллар гўзаллигига урғу берибгина қолмай, юзни аслидан озғинроқ кўрсатиш хусусиятига ҳам эга. Бунинг учун қуйидаги тавсияларга амал қилиш керак.
База
Юзга суртиладиган база жуда қуюқ ҳам, суюқ ҳам бўлмаслиги керак. Ўртачаси мукаммал танлов бўлади. Ундан кейин қилинган макияж чаплангандек кўринмайди, бундан ташқари, контуринг қилиш осон бўлади. Бронзернинг тўқроқ рангини ёноқ ва иякнинг пастроқ қисмига, корректорни ёноқ ва кўз тагига суртинг.
Қошлар
Тўғри бўялган қошлар образ омадли бўлишининг гарови. Қошнинг ташқи учини пастга қаратиб чизманг, юзингиз думалоқ кўриниб қолади.
Кўз
Макияжда яна бир муҳим жиҳат кўзни бўяш ҳисобланади. Подводка ёки кўз қалами ёрдамида қовоқнинг ташқи қисмига урғу беринг.
Лаблар
Иложи борича тўқ рангли помада ва қаламлардан фойдаланинг. Блескдан фойдаланадиган бўлсангиз, уни лабнинг ўрта қисмига суртинг.
Изоҳ (0)