Қишга хос совуқ ҳарорат, уй, иш ва ўқиш биносидаги қуруқ ҳаво саломатлик, тери ва кўринишга таъсир қилмай қолмайди. Бундай вазиятда ҳар қачонгидан ҳам кўпроқ парвариш ва эътибор қилиш керак. Бу борада сизга қуйида номи келтирилган гаджет ва воситалар ёрдам бера олади.
Юзни тозалайдиган чўтка
Бундай гаджет терининг янгиланишига ёрдам беради, ундаги юмшоқ чўтка, вибрация ва пулс ёрдамида ўлик ҳужайралар тозаланади. Тери янги ва чиройли кўринади. Бундай восита ҳақида турли маълумотлар бўлишига қарамай, уни ишлатишдан қўрқиш керак эмас. Агар чўтка электрон ва силликонли бўладиган бўлса, тери учун гаджетдаги оптимал режимни танланг. Чўткани тоза сақланг ва ҳар гал ишлатганингиздан кейин ювиб туринг. Ультратовушли тозалайдиган воситалар чўткалар ўрнига альтернатив бўла олади. У пораларни тозалаб, коллаген ишлаб чиқарилишини фаоллаштиради.
Юзни массаж қиладиган восита
Бундай восита терининг қандай бўлишидан қатъий назар, қон айланишини яхшилайди, уни таранг ва тиниқ кўринишига сабабчи бўлади. У асосан икки хил — механик ва электрли бўлади. Механик массаж қиладиган гаджет металл ва минераллардан ишланган бўлиб, теридаги шишларни кетказади.
Ҳавони тозалайдиган ва намлайдиган гаджет
Кунимизнинг 90 фоизи ёпиқ, кондиционер ёки иситиш мосламасидан фойдаланадиган хонада ёки бинода ўтади. Ҳаддан ортиқ қуруқ ва нам ҳаво эса бактерия ва вируслар кўпайишига сабаб бўлади. Бу борада тери ва шиллиқ қаватларга ёрдам бериш учун эса ҳавони тозалайдиган восита айни муддао. Иложи бўлса, унинг сувни тозалайдиган тизимлилиги ҳамда ҳавони фильтрлайдиганидан фойдаланган яхши. Алоҳида намлантирадиган ва ҳаво тозалайдиган восита харид қилиш ёки икки функция бир гаджетда мужассам бўлганини танлаш мумкин.
Ирригатор
Ноқулай бўлган, тишни тозалаш учун фойдаланадиган ип ўрнини босиши мумкин бўлган ирригатор, брекет тақадиганлар ва кариесга мойиллиги борлар учун яхши вариант. У тиш чўткаси етиб бормайдиган тиш орасидаги овқат қолдиқларини самарали тозалайди. Қолаверса, милк касалликлари ва кариесни олдини олади.
Изоҳ (0)