Қаҳратон совуқда, шапкасиз кўчага чиқиш саломатликни билиб туриб хавф остига қўйиш, демак. Аммо кўпчилик соч турмаги бузилиши ва кўриниши кўнгилдагидек бўлмай қолишидан қўрқиб бошяланг юришни афзал билади. L’Oréal Professionnel’нинг ижодий ҳамкори, стилист Максим Рокиский ва Редкен компанияси технологи Надежда Юсуфханова, шапка билан сочни қандай турмакласа, тушиб кетмаслиги ҳақида маълумот беради.
Жингалак
Шапка кийганда жингалак қилинган соч бузилмаслиги учун аввал сочни бурама ҳаракатлар билан айлантириб кейин шапка кийиш керак. Бошқачасига сочни юқори қисмидаги жингалак тушиб кетиб, пастининг ўзида қолиши мумкин. Осонроқ бўлиши учун резинкадан фойдаланишингиз мумкин.
Исталган соч турмаги узоқ вақт туриши ва тушиб кетмаслиги тўғри танланган шампунь ва бошқа воситаларнинг қанчалик тўғри танланганига боғлиқ. Шампунь соч турига мувофиқ танланиши, соч турмаги узоқ вақт туриши учун енгил шампунь ва кондиционердан фойдаланиш керак. Турмаклашдан олдин нам сочга илдизидан 5-7 см қолдириб, узунлиги бўйлаб праймер-спрей суртинг.
Сочни фен билан қуритгандан кейин плойка ёки соч дазмолидан фойдаланиш мумкин. Сочнинг тепаси пачоқ бўлиб турмаслиги учун гафри қилинг. Жингалак қилиб бўлганингиздан кейин олдинга энгашинг ва қўлларингиз билан тарагандек ҳаракат қилинг. Шундан кейин 15-20 см узоқликдан қотирадиган лак сепсангиз бўлади. Бу усулда турмакланган сочни ҳеч қандай бош аксессуари бузолмаслиги аниқ.
Сочни пастдан қилиб йиғиш
Пастдан оддий резинкада йиғиб устидан билинмаслиги учун сочнинг бир тутамини айлантиришингиз мумкин. Шапкани бошнинг олди тарафидан эҳтиёт бўлиб кийинг ва ечишда ҳам худди шунга амал қилинг.
Чёлка билан шапка кийиш
Агар чёлкангиз калта бўладиган бўлса, шапкани бостириб киймасдан пешонани очиқ қолдириш тавсия қилинади. Узун бўлса, орқага қилиб туриб кейин шапка кийиш керак.
Текис ёйилган сочлар
Шапкани ечганда сочнинг шишиб туришидан асар ҳам қолмаса, ҳеч нарса қилмайди. Ҳозирги мавсумда текис сочлар урфда, тушиб турган қисмини қулоқ орқасига ўтказсангиз яна яхши. Мукаммал текис туриши учун шапка кийишдан аввал дазмол ёрдамидан фойдаланиш керак.
Сочни пастдан қилиб айлантириб йиғиш
Бундай соч таранг бўлмаслиги номига бўш ва табиий кўриниб туриши керак. Янада қизиқарлироқ образ яратиш учун эса сочни ўраб, кейин айлантириб йиғган яхши. Невидимка ёки шпилка қадагандан кейин эса лак билан қотиринг. Шундан кейин бемалол шапка кийсангиз бўлади.
Номига жингалак қилинган сочлар
Сочни ювиб, фен билан қуритгандан кейин икки қисмга бўлиб ўранг. Вақт ўтганидан кейин ўрамни ечиб қўллар билан ораси очиб ташланса, айнан бугунги кунга хос бўлган замонавий соч турмаги бўлади.
Табиийдек турадиган жингалак
Табиийдек турадиган жингалак учун шиширишнинг кераги йўқ, лекин хоҳиш бўлса бунинг ҳам иложи бор. Бундай жингалак сочнинг классигидан фарқи дазмол ёки плойкага соч ўралади, аммо охиригача айлантирилмайди. 5-7 см текис қолдирган яхши. Шу йўсинда давом этиб сочларни жингалак қилиб бўлгандан кейин олдинга энгашиб, қўл билан тараш охирида эса спрей билан қотириш керак. Шундан кейин шапка кийишингиз ва сочингиз тушиб кетмаслигидан қўрқмасангиз ҳам бўлади.
Невидимка билан мустаҳкамланадиган соч турмаги
Сочларни йиғинг ёки ўранг. Шапкани ечганингиздан кейин невидимкаларни турли кўринишда, ёнма ён ёки Х шаклида тақиб чиқинг. Рангли ва безакли невидимкалар ушбу мавсумда ҳар қачонгидан ҳам долзарб эканлиги сабабли, ҳеч иккиланмай улардан фойдаланишингиз ва ўзига хос образга эга бўлишингиз мумкин.
Изоҳ (0)