Хитойнинг Xiaomi компанияси янги Мi 11 смартфонини расман тақдим этди. Гаджетнинг онлайн тақдимоти 28 декабрь куни ўтказилди, деб хабар беради «Korrespondent.net».
Телефонга QHD+ сифатга ва 120 герцли янгиланиш частотасига эга 6,81 дюймли AMOLED-дисплей ўрнатилган. Дисплей сўнгги авлод Gorilla Glass Victus шишаси билан қопланган бўлиб, у сувга ўтказмаслик ва тирналишларга икки карра бардошли. Экран остида бармоқ изи сканери жойлашган, у ўзининг асосий функциясидан ташқари пулсни ўлчайди, шунингдек, селфи-камерани ишга тушира олади.
Xiaomi Mi 11 Qualcomm Snapdragon 888 процессорида ишлайдиган биринчи смартфонга айланган. Шунингдек, қурилмага 8 ёки 12 гигабайтли тезкор ва 128/256 гигабайтли ички хотира ўрнатилади. Смартфонларнинг барча версияси 5G алоқа тармоғини қўллаб-қувватлайди.
F/1,85 диафрагмаси, 25 миллиметрли фокус масофаси ва оптик барқарорлаштиргичга эга 108 мегапикселли камера Xiaomi Mi 11’нинг муҳим жиҳатига айланган. Бундан ташқари, унга 13 мегапикселли кенг бурчакли объектив ва 5 мегапикселли макрообъектив ҳам ўрнатилган.
Қурилма сиғими 4600 мА/соатга тенг аккумулятор ёрдамида ишлайди ва тезкор қувватланиш функциясига эга.
Смартфон нархи унинг хотираси ҳажмига боғлиқ бўлиб, 610 дан 720 доллар атрофида. Янги модель бешта рангда тақдим этилган, жумладан, уларнинг иккита қопламаси чарм каби кўринишга эга.
Аввалроқ Xiaomi Mi 11 қутисидан қувватлантиргич ўрин олмаслиги расман маълум қилинган эди.
Изоҳ (0)