Илк iPhone моделининг тақдимотидан 13 йил ўтиб, уни ишлаб чиқариш жараёни тасвирланган архив суратлар эълон қилинди, деб хабар беради Hi-Tech.Mail.ru.
Суратларда смартфонларни синовдан ўтказиш жараёнини кўриш мумкин, оддийроқ қилиб айтганда — сифат назоратини. Бу биринчи iPhone партияларини ишлаб чиқаришнинг энг қизғин палласи ҳисобланади. Apple собиқ муҳандиси Боб Берроунинг сўзларига кўра, суратлар 2007 йилнинг баҳорида олинган.
Афтидан, суратлар Foxconn компаниясининг заводида олинган бўлиб, Apple у билан ҳамон ҳамкорлик қилиб келади. Унда ўнлаб iPhone қурилмалари барча функцияларни синовдан ўтказишга мўлжалланган махсус устунларга қотирилган — махсус дастурлар камераларни ёқади, алоқани ва қолган барча параметрларни текширади.
Алоҳида моделларни одамлар қўлда текширади — бу дастлабки босқичларда юзага келиши мумкин бўлган оммавий нуқсонлар олдини олишга ёрдам беради.
Apple дунёдаги энг ёпиқ компаниялардан бири ҳисобланади, шу сабабли компания камдан кам ҳолларда иш жараёнларига оид маълумотларни эълон қилади.
Биринчи iPhone 2007 йилнинг 9 январида тақдим этилган, сотувда эса ўша йилнинг июнь охирларида пайдо бўлган. Унинг бошланғич нархи 499 долларни ташкил этган.
Изоҳ (0)